પણ નિરર્થક,
પણ નિરર્થક,
1 min
14.4K
શર છે અહીં નિરર્થક , સંધાન પણ નિરર્થક,
છે લક્ષ્ય પણ નિરર્થક ને ધ્યાન પણ નિરર્થક.
પહોંચાડતું જે નિદ્રાથી સ્વપ્નની સ્થિતિમાં,
સમથળ સમાધિ જેવું એ ભાન પણ નિરર્થક.
જે રંધ્રમાં પ્રવેશી નીકળે છે રંધ્રમાંથી,
એ શબ્દ સાવ મિથ્યા એ કાન પણ નિરર્થક.
ઉત્પત્તિ ને સ્થિતિમાં લય ક્યાંક છે છુપાયો,
આદિ ય વ્યર્થ છે ને અવસાન પણ નિરર્થક.
પ્રગટે ન કોઇ ઠોકરમાંથી નવી દિશા તો,
અવરોધતું ગતિ એ વ્યવધાન પણ નિરર્થક.