અભિલાષા..

અભિલાષા..

 

છોડમાં રણછોડ ને ભાળે ભલી એવી નજર ક્યાં?

મૂર્તિમાં માધવ વસેલો છે મને એની ખબર ક્યાં?

 

જેમ વસ્ત્રોમાં શરીર હો એમ છું હું આ જગતમાં..

હર હ્રદયે બેઠો છે ઇશ્વર આ સમજ કેરો ઉત્તર ક્યાં..!

 

સૌ કહે છે પણ કરે છે કોણ, મતલબી દુનિયામાં...

ઝેર પીનારા મળ્યા, પીનાર સૌ ભોળા શંકર ક્યાં..!

 

પાર્થ ભૂલે રાહ ને, હેઠે મુકે એ તીર કામઠુ..

ઊઠ ઊભોથા કહે, એ કૃષ્ણ જેવા રાહબર ક્યાં..!

 

માગવા પડશે ખુમારીના હિસાબો બાગ પાસે..!

આ વિચારોની સુવાસ ભરે અહિં એવા અત્તર ક્યાં..!

 

પાળિયા જેવા બની હર કોઈ ચાહે છે પુજાવા...

આ "જગત" પણ યાદ કરવા ચાહશે, એવી કબર ક્યાં..!.jn