મનખા
મનખા
1 min
7.1K
પંડ ખીલે ને પંડ પાંગરે કળતર જેવું ભારણ મનખા
જીવન થોડું ઘણી ઉપાધિ વળતર જેવું ભારણ મનખા
માળાના મણકાંને ફેરવ ફેરવ કરતાં વીતી જાતું વરણાગી
બુઠું, બરછટ ને કાંટાળું જીવતર જેવું ભારણ મનખા
પીડા, પાટા, દર્દ સામટાં દવા કોણ દેવાનું એની?
ઘૂંટ ઘૂંટમાં ક્ષીણ થતું ભૈ ગળતર જેવું ભારણ મનખા
મર્મ પામવા મન બોલે છે ખુદની ઓડખ કરવા દોડો
વચમાં સ્તંભ સરીખુ અસ્થિર નડતર જેવું ભારણ મનખા
ક્યાંથી ક્યાં આ દીપક ઝળકે જ્યોત જલે છે ઝળહળ
અંધારે પણ ઉજળા થાવા જળતર જેવું ભારણ મનખા