Best summer trip for children is with a good book! Click & use coupon code SUMM100 for Rs.100 off on StoryMirror children books.
Best summer trip for children is with a good book! Click & use coupon code SUMM100 for Rs.100 off on StoryMirror children books.

Ranjit Sahu

Children Stories


4.2  

Ranjit Sahu

Children Stories


ପକ୍ଷୀରାଜ ଘୋଡ଼ା

ପକ୍ଷୀରାଜ ଘୋଡ଼ା

2 mins 267 2 mins 267

"ତୁ କଣ ଚାହୁଁଛୁ କହ?ଯାହା ଚାହୁଁଚୁ ଆଣିବି   ଆଉ ଯାହା କହିବୁ କରିବି" ରାଜୁ କହିଲା ପିଙ୍କି ଆଡକୁ ଚାହିଁ I ରାକ୍ଷୀ ବାନ୍ଧିଛି ରାଜୁର ହାତରେ ପିଙ୍କି ଆଉ ରାଜୁ ତାକୁ ଦଶ ଟଙ୍କା ଧରେଇଛି ଯାହା ସିଏ ନିଜ ପକେଟ ଖର୍ଚ୍ଚକୁ  ବଞ୍ଚେଇ ରଖିଥିଲା ଆଜି ପାଇଁ I 

"ତମେ ତ ଦେଇ ପାରିବନି," ପିଙ୍କି କହିଲା  I 

"କଣ କି," ରାଜୁ ପଚାରିଲା I 

"ଆଗରୁ ବି ତ କହିଥିଲି, ତୁମେ ମୋତେ ପକ୍ଷୀରାଜ ଘୋଡାଟିଏ ଆଣିଦିଅ I ଯେମିତି ମୁଁ ସେଦିନ ସପନରେ ଦେଖିଥିଲି I ଯାହା ବିଷୟରେ ତୁମକୁ କହିଥିଲି I ଆମେ କେମିତି  ସେ ଘୋଡା ଉପରେ ବସି ସ୍କୁଲକୁ ଯାଉଥିଲେ I ମୁଁ  ତୁମ ସାଥିରେ  ଏ ବହି ବ୍ୟାଗଟି ଧରି ବସିଥିଲି I ସତରେ ବହୁତ  ଭାରି ଲାଗୁଛି ଏହି ବ୍ୟାଗ I ଜମା ଉଠେଇକି ଯିବାକୁ ଭଲ ଲାଗୁନି," ପିଙ୍କି କହିଲା  I 

"ପକ୍ଷୀରାଜ ଘୋଡା କଣ ସତରେ ଥାଏ କି? ସେଇଟା ତ କାହାଣୀ ଖାଲି ," ରାଜୁ କହିଲା," ଚାଲେ ଡେରି ହେଇଗଲାଣି ସ୍କୁଲକୁ I"

"କିନ୍ତୁ ଘୋଡା ସିନା ହବନି, ସାଇକେଲଟିଏ ତ  ହବ ! ତୁମେ ଚଲେଇବ ଆଉ ମୁଁ ପଛରେ ବସିବି I ମିଶିକି ସ୍କୁଲ ଯିବା I ତାକୁ ଆମେ ପକ୍ଷୀରାଜ ନାଆ ଦେଇଦେବା,"  ପିଙ୍କି କହିଲା ," ମୁଁ ଏ ଦଶ ଟଙ୍କା ରଖିଦେବି ମୋ ବାକ୍ସରେ I ଯେତେ ଟଙ୍କା ମିଳିବ ସବୁ ରଖିବି I ତୁମେ ବି ରଖ I ମିଶିକି କିଣିବା I "

"ହଉ I ରଖିଦେ I ମୁଁ ବି ଏଥର ରଖିବି I ଆଉ ଅଦରକାରୀ ଖର୍ଚ୍ଚ କରିବିନି," ଚାଲେ ଯିବା ଏଥର," ରାଜୁ କହିଲା I 

ପିଙ୍କି ଚାଲିବାକୁ ଲାଗିଲା I ଘରଠାରୁ କିଛି ଦୂରରେ ପିଙ୍କି ଅଟକି ଗଲା ଆଉ ଦେଖେଇଲା ରାଜୁକୁ ସାମନାରେ ଥିବା କୋଠା ଆଡ଼କୁ I ସବୁ ଦିନେ ତ ସେଠାରେ  ବନ୍ଧା ହେଇଥାଏ 'ପକ୍ଷୀରାଜ' ! ଆଜି ମଧ୍ୟ ଅଛି I 


ରାଜୁ କିନ୍ତୁ ତର ତର ହେଉଥିଲା I ଅଟକି ଗଲା ପିଙ୍କି ଆଉ ଆଉ ପୁଣି ଥରେ ଟାଣିଲା ରାଜୁର ଶାର୍ଟ ଆଉ ଦେଖେଇଲା ରାସ୍ତା  ଆର ପଟକୁ I ଆଜି ମଧ୍ୟ ଥୁଆ ହୋଇଛି କାନ୍ଥକୁ  ଆଉଜେଇ ହୋଇ ସେହି ସୁନ୍ଦର ସାଇକେଲଟି  I ତାହାର ପିଠି ଥାପୁଡ଼େଇ ଦେଲା ରାଜୁ ଆଉ କହିଲା, " ହଁ ତୋ ପାଇଁ ନିଶ୍ଚୟ ସାଇକେଲଟେ ଆଣିବି I ତୋତେ ଆଉ ଏମିତି ଖରାରେ ଚାଲି ଚାଲି ସ୍କୁଲ ଯିବାକୁ ପଡ଼ିବନି I ଆଣେ ତୋ ବ୍ୟାଗ ମୁଁ ଧରିଦେଉଛି I ତୁ ଆରାମରେ ଚାଲେ I ଥକି ଗଲୁଣି  I "

 ପିଙ୍କି ମୁଣ୍ଡ ଟୁଙ୍ଗାରି ବ୍ୟାଗଟିକୁ ଧରେଇ ଦେଲା ରାଜୁକୁ ଆଉ ଚାଲିବାକୁ ଲାଗିଲା ସ୍କୁଲ ଆଡକୁ ଦୁଇଟି ଯାକ ହାତ ହଲେଇ  I ଦଲକାଏ ପବନ ବାଜିଲା  ତା ଦେହରେ, ଲାଗିଲା ଯେମିତି ଆଜି ପାଇଁ ତାହାର ଭାଇ ହୋଇଛି ପକ୍ଷୀରାଜ ଘୋଡ଼ା ଆଉ ନେଇ ଯାଉଛି ତାହାର ବ୍ୟାଗ ସ୍କୁଲକୁ I 


Rate this content
Log in