End of Summer Sale for children. Apply code SUMM100 at checkout!
End of Summer Sale for children. Apply code SUMM100 at checkout!

Writer Roja Panda

Others


5.0  

Writer Roja Panda

Others


ଅଦୃଶ୍ୟ ପ୍ରେମିକା

ଅଦୃଶ୍ୟ ପ୍ରେମିକା

3 mins 319 3 mins 319

ମୋହନ ଆଜି ବି ଦେଖୁଛି ସେଇ ଦୃଶ୍ୟ,ତାର ସେଇ ଅଦୃଶ୍ୟ ପ୍ରେମିକାର ଦୃଶ୍ୟ । କେବେ ସ୍ୱପ୍ନରେ ତ ପୁଣି କେବେ ସତସତିକା ତାର ଆଖି ସାମ୍ନାରେ । ମୋହନର ପ୍ରେମିକା ରେସ୍ମା ଦ୍ୱିତୀୟ ବର୍ଷ ବିଜ୍ଞାନ ଛାତ୍ରୀ । ଖୁବ ଭଲ ପାଠପଢେ । ମୋହନ ସହିତ ରେସ୍ମାର ପ୍ରଥମ ଦେଖା ହେଇଥିଲା ରେସ୍ମା ପଢ଼ୁଥିବା କଲେଜରେ । ସେଇ କଲେଜରେ ମୋହନ ଫିଜିକ୍ସ ପଢାଏ । ରେସ୍ମା ଫିଜିକ୍ସ ଖୁବ ଭଲ ଭାବରେ ବୁଝିପାରୁଥିଲା ଏବଂ ନବୁଝିପାରୁଥିବା ପିଲାଙ୍କୁ ମଧ୍ୟ ବୁଝେଇ ଦେଉଥିଲା । ଏସବୁ ଦେଖି ମୋହନ ଧୀରେ ଧୀରେ ରେସ୍ମାକୁ ଭଲ ପାଇବାରେ ଲାଗିଲା । ଦୁଇଜଣଙ୍କର ସମ୍ପର୍କ ନିବିଡ ହେବାକୁ ଲାଗିଲା । କିନ୍ତୁ ସବୁବେଳେ ରେସ୍ମା ମୋହନ ସାମ୍ନାରେ ଅଦୃଶ୍ୟ ଥାଏ । ପାଖରେ ଥାଇବି ମୋହନ ରେସ୍ମାକୁ ଦେଖି ପାରେନାହିଁ । ମୋହନ ଵହୁତ ଚେଷ୍ଟା କରେ ରେସ୍ମାକୁ ଦେଖିବାପାଇଁ । କିନ୍ତୁ ତାର ସବୁ ଚେଷ୍ଟା ବ୍ୟର୍ଥ ଯାଏ । ତଥାପି ସେ ରେସ୍ମାକୁ ବୋହୁତ ଭଲପାଏ । ଦୁହେଁ ମିଶି ବୁଲନ୍ତି,ଗୁପଚୁପ୍ ଖାଆନ୍ତି, ଆଇସକ୍ରିମ ଖାଆନ୍ତି । ମୋହନ ମଧ୍ୟ ରେସ୍ମା ପ୍ରେମରେ ଏତେ ପାଗଳ ଥାଏ ଯେ ସେ ନିଦରେ ଶୋଇବା ସମୟରେ ମଧ୍ୟ ରେସ୍ମାକୁ ସ୍ୱପ୍ନ ଦେଖେ ମାତ୍ର ସ୍ୱପ୍ନରେ ମଧ୍ୟ ରେସ୍ମାର ସେଇ ଅଦୃଶ୍ୟ ରୂପ ।


ଏମିତିରେ ଦୁଇ ବର୍ଷ ବିତିଯାଇଥାଏ । ରେସ୍ମା ପାଠପଢ଼ା ଶେଷକରି ବିଦେଶ ବାହାରିଲା ଚାକିରୀ ଅନୁସନ୍ଧାନରେ । କିଛିଦିନ ପରେ ରେସ୍ମାକୁ ଏକ ସରକାରୀ ଚାକିରୀ ମିଳିଲା । ଏପଟେ ମୋହନ ରେସ୍ମାର ବିଛେଦରେ ଖୁବ ଭାଙ୍ଗିପଡିଥାଏ । ମନରେ ଖୁବ ଭୟ ଜାତ ହେଉଥାଏ । ନାନା ପ୍ରକାର ଦୁଶ୍ଚିନ୍ତା । କାଳେ ରେସ୍ମା ବିଦେଶରେ ରହି ତାକୁ ଭୁଲିଯାଇଥିବ । ନୂଆ ନୂଆ ସାଙ୍ଗମାନଙ୍କୁ ପାଇ ଏଇ ମୋହନ କଥା ତାର ଆଉ ମନେନଥିବ । ବଡ ଚାକିରୀ କରିଛି । ବଡ଼ବଡ଼ ଲୋକଙ୍କ ସହିତ ମିଶୁଥିବ । ଏମିତି ଅନେକ ଦୁଶ୍ଚିନ୍ତା । ପୂଜା ଛୁଟି ଆସିଗଲା । ରେସ୍ମା ଗାଁକୁ ଆସିଛି । ମୋହନ ଖୁବ ଖୁସି ଅଛି । ସେ ଭାବିଛି ଆଉ ଡେରି ନକରି ରେସ୍ମାକୁ ବାହାଘର ପ୍ରସ୍ତାବ ଦେବ । ରେସ୍ମା ମଧ୍ୟ ମୋହନକୁ ଦେଖା କରିବାପାଇଁ ଆସିଲା । ମୋହନକୁ କହିଲା - ବୋହୁତ ଦିନ ପରେ ଦେଖା ହେଲା । କେମିତି ଅଛ ମୋହନ ? ମୋହନ ଅଭିମାନଭରା କଣ୍ଠରେ ଉତ୍ତର ଦେଲା - ବିଲକୁଲ ଠିକ ନାହିଁ । ତମେ ଏତେଦିନ ହେବ ମତେ ପୁରାପୁରି ଭୁଲିଯାଇଥିଲ । ଆଉ ସେତେବେଳେ ବି ମୋ ସାମ୍ନାରେ ଅଦୃଶ୍ୟ ରହୁଥିଲ ,ଏବେବି ସେଇ ଅଦୃଶ୍ୟ । ମୁଁ କଣ ତୁମକୁ କେବେ ଦେଖିପାରିବିନି ? ରେସ୍ମା ଏସବୁ ଶୁଣି ଖୁବ ଜୋରରେ ହସିବାକୁ ଲାଗିଲା । ମୋହନ କହିଲା ମୁଁ ଆଉ ଅପେକ୍ଷା କରିପାରିବିନି । ଚାଲ ଆମେ ବିବାହ ବନ୍ଧନରେ ବାନ୍ଧିହେଇ ନୂଆ ଜୀବନ ଆରମ୍ଭ କରିବା । ରେସ୍ମା ଏସବୁ ଶୁଣି ଟିକେ ଆଶ୍ଚର୍ଯ୍ୟ ହେଇଗଲା । କାରଣ ରେସ୍ମା ନିଜର ଅଦୃଶ୍ୟତାର କାରଣ ଭଲ ଭାବରେ ବୁଝିସାରିଥିଲା ହେଲେ ମୋହନକୁ ବୁଝେଇ ପାରୁନଥିଲା । ମୋହନ ବି ରେସ୍ମାର ଏପରି ଅଦୃଶ୍ୟ ରହିବାର କାରଣ ଜାଣି ପାରୁନଥିଲା । ମୋହନ ରେସ୍ମାକୁ ବିବାହ ପ୍ରସ୍ତାବ ଦେଇ ଚାଲିଗଲା । ଏବଂ ନିଜ ବାପା ଓ ମାଆଙ୍କୁ ମଧ୍ୟ ରେସ୍ମା ବିଷୟରେ ସବୁ କହିଲା । ରେସ୍ମାକୁ ବିବାହ କରିବାକୁ ଇଚ୍ଛା ପ୍ରକାଶ କରୁଥିବା ମୋହନକୁ ତାର ବାପା ଓ ମାଆ ରେସ୍ମାକୁ ବିବାହ କରିବାକୁ ରୋକଠୋକ ମନା କରିଦେଲେ । ମୋହନ ପଚାରିଲା - ମୁଁ ରେସ୍ମାକୁ ବିବାହ କଲେ ଅସୁବିଧା କଣ ? ମୁଁ ତାକୁ ଭଲପାଏ । ଏସବୁ ଶୁଣି ମୋହନର ମାଆ ଉତ୍ତର ଦେଲେ - ତୁ କଣ ତାକୁ ଦେଖି କିଛି ଜାଣିପାରୁନୁ ? ତା ଭିତରେ ଆଉ ଆମ ଭିତରେ କଣ ତଫାତ ଦେଖିପାରୁନୁ। ଆମକୁ ଅସୁବିଧା ପଚାରୁଛୁ । ଏସବୁ ଶୁଣି ମୋହନ କହିଲା -ମୁଁ ତାକୁ କେବେ ଦେଖିନି । ସେ ମୋ ସାମ୍ନାରେ ସବୁବେଳେ ଅଦୃଶ୍ୟ । ହେଲେ ସେ ବି ମୋ ପରି ଜଣେ ମଣିଷ । ପଶୁ କି ପକ୍ଷୀ ନୁହେଁ । ମୋହନର ମାଆ କହିଲେ - ସେ କାହିଁକି ତୋ ସାମ୍ନାରେ ଅଦୃଶ୍ୟ ରହେ ,ତୁ କଣ ବୁଝିପାରୁନା ? ମୋହନ କହିଲା - ନା , ବୋଧହୁଏ ସେ ମତେ ଲାଜ କରେ । 


ମୋହନର ବାପା ଘରଭିତରେ ରହି ଏସବୁ ଶୁଣୁଥିଲେ । ସଙ୍ଗେ ସଙ୍ଗେ ମୋହନ ପାଖକୁ ଆସି ଏକ କର୍କଶ ସ୍ୱରରେ କହିଲେ - ନା ସେ ଲାଜ କରେନି । ସେ ତୋ ସାମ୍ନାରେ ଅଦୃଶ୍ୟ ରହିବାର କାରଣ ତାର ବୁରଖା ।ସେ ମୁସଲମାନ ଝିଅ । ସେଥିପାଇଁ ସେ ସବୁବେଳେ ବୁରଖା ପିନ୍ଧି ବୁଲେ । ସେଇଟା ସେମାନଙ୍କ ଧର୍ମ । ମୁସଲମାନ ଝିଅମାନେ ସାଧାରଣତଃ ନିଜ ମୁହଁ ଆଉ ଦେହକୁ ଢାଙ୍କିବା ପାଇଁ ବୁରଖା ପିନ୍ଧନ୍ତି । ଆଉ ତୁ ହିନ୍ଦୁ ବ୍ରାହ୍ମଣ । ସେଥିପାଇଁ ଜଣେ ମୁସଲମାନ ଝିଅକୁ ବିବାହ କରିବା ନିୟମ ବାହାରେ । ମୋହନ ବୋହୁତ ପାଠ ପଢିଥିଲା ସତ କିନ୍ତୁ ସେ ହିନ୍ଦୁ ଆଉ ମୁସଲମାନ ମଧ୍ୟରେ ଥିବା ପାର୍ଥକ୍ୟ ସବୁ ଏପର୍ଯ୍ୟନ୍ତ ବୁଝିନଥିଲା । ସେ କେବଳ ଏତିକି ଜାଣିଥିଲା ଯେ ମଣିଷ ସମସ୍ତେ ସମାନ । ମଣିଷମାନଙ୍କର ଗୋଟିଏ ଜାତି । ମଣିଷ ଜାତି । ସେ ବହିରେ ମଧ୍ୟ ପଢ଼ିଛି ଯେ, ଜାତି,ଧର୍ମ,ବର୍ଣ୍ଣ ନିର୍ବିଶେଷରେ ଆମେ ସମସ୍ତେ ଭାରତୀୟ । ହେଲେ ଆଜି ଏ କି ସଂସ୍କାର କଥା ମାଆ ଆଉ ବାପା କହୁଛନ୍ତି । ଏଇଟା ସଂସ୍କାର ନା କୁସଂସ୍କାର !!


Rate this content
Log in