ଯୁବତୀ
ଯୁବତୀ
ବର୍ଷା ବାଦଳର ଛାଇ ଛିଟା ନୁହେଁ
ଏ ତ ସମ୍ପର୍କର ଡୋରି
ମନେ ଅଛି ଆଜି ମନେ ରଖିଥିବି
ଜୀବ ଥିବା ଯାଏଁ ନ ଯିବି ପାସୋରି ।
କାଗଜ କଲମର କଥା ନୁହେଁ ଇଏ
ସ୍ନେହ ମମତାର ବାକ୍ୟ
ଭଲ ପାଉଛି ଆଜି ଭଲ ପାଉଥିବି
ଲୋକେ କରନ୍ତୁ ଯେତେ କଟାକ୍ଷ ।
ଭସା ବାଦଲରେ ଭାସି ଭାସି ଆ ତୁ
ସମୁଦ୍ରର ଲହଡ଼ି ପରି
ଅପେକ୍ଷାରେ ଅଛି ଅତି ନିକଟରେ
ଧରି ମୁଁ ପାଲିଙ୍କି ସବାରି ।
ସୂର୍ଯ୍ୟ ଅସ୍ତ ହେଲେ ସନ୍ଧ୍ୟା ବି ଆସିଲା
ଶୋଇଲେଣି ପୁଷ୍କରିଣୀର କଇଁ
ଅପେକ୍ଷାରେ ଅଛି ଏ ଘର ଅଗଣାରେ
କେବେ ଆସିବୁ ତୁ ନଇଁ ନଇଁ।
ମେହେନ୍ଦି ହାତରେ ତୋର କଙ୍କଣ ସଜ୍ଜା
ଦିଶିବୁ ତୁ ସ୍ଵର୍ଗର ପରୀ
ଭାବୁ ଅଛି ମୁଁ ଭାବୁଥିବି ମୁହିଁ
ହେବୁ ତୁ ମୋ ରାଜକୁମାରୀ ।
ରୁଣୁ ଝୁଣୁ ତୋର ପାଉଁଜି ଶବଦ
କରିନେବ ଘର କୋଳାହଳ
ତୁମ ବ୍ୟବହାର ଓ କଥାକୁ ଦେଖି
ସଭିଏଁ ହୋଇଯିବେ ଭାବ ବିହ୍ୱଳ।
ଅନ୍ଧାର ରାତିର ଆଲୋକ ପରୀ ତୁ
ସ୍ୱପ୍ନ ରାଇଜର ପରୀ
ତୋ କଥା ଭାବିଲେ ପାଇବାକୁ ଚାହେଁ
ଅତି ନିକଟରେ ହେ ମୋ ସୁକୁମାରୀ ।
ଚିତ୍ର ଓ ଚରିତ୍ରରେ ମୋ ପାଇଁ ତୁ
ସ୍ଵର୍ଗ ରାଇଜର ଲାବଣ୍ୟବତୀ ।
ନିତି ଆମ ଚଉରାରେ ପବିତ୍ର ମନରେ
ଜାଳିବୁ ତୁ ସଞ୍ଜବତି ।
ଖୁସିର ଲହରୀ ସୁଖର ସବାରୀ
ଖେଳିବ ଏ ଘର ଅଗଣାରେ
କେବେ କେତେବେଳେ ଚାପି ରଖିବୁନି
କହିବୁ ତୁ ଯାହା ଥିବ ମନରେ ।
ସୋରିଷ ଫୁଲ ସଜ୍ଜିତ ନିକଟ ବଗିଚାରେ
ଖେଳିବା ଆମେ ଚୋରା ପିରତି
କହିବାର ଅଛି ଅନେକ କଥା ତତେ
ଏତିକି ଲେଖି କରୁଛି ଇତି ।