ତୁମ ସହ

ସମୟ ସ୍ରୋତରେ ଦିନ ଆଉ ରାତି

ପାଣି ପରି ବହିଯାଏ

କିନ୍ତୁ ତୁମ ସ୍ମୃତି ଆକାଶର

ତାରା ପୁଞ୍ଜ ପରି ଚମକୁ ଥାଏ

ଆଉ.......

ସେ ଦିନର ମୁହୂର୍ତ୍ତ

ପାଉଁଶ ତଳର ନିଆଁ ପରି କୁହୁଳି କୁହୁଳି

ମତେ ଜାଳିପକାଏ

ଇଛା ହୁଏ ପୁଣି ଫେରିଆସନ୍ତି

ସେ ଦିନକୁ......

ଯେଉଁ ମୁହୂର୍ତ୍ତରେ ଆମେ ଦୁହେଁ

ଆଉ କାହା ପାଇଁ ପ୍ରେରଣା ସାଜିଥିଲେ

ଆମ ବନ୍ଧୁତ୍ୱକୁ ନେଇ.....

ଆଉ ପୁଣି ସେଇ ମୁହୂର୍ତ୍ତ

ମନ୍ଦିର ଦ୍ୱାର ଦେଶରେ ତୁମକୁ

ଜନ୍ମ ଦିନର ବଧାଇ ଜଣାଇ

ଦୁହେଁ ମିଶି ଭିକ୍ଷା କରୁଥିଲେ

ଆମ ବନ୍ଧୁତ୍ୱର ପରମାୟୁ

ଆଉ ପୁଣି ତୁମ ସହ ପାଦ ମିଶେଇ

କାଟିଥିଲି

ଜୀବନର ଅନ୍ତରଙ୍ଗ ମୁହୂର୍ତ୍ତ ।