ଟିକି ତାରା
ଟିକି ତାରା
ଟିକି ଆକାଶର ଟିକି ତାରା ମୁଁ
ଟିକି, ଟିକି ଆଲୋକରେ
ଝଲସାଏ ଜଗତକୁ ମୁଁ।
ଟିକି ବଗିଚା ର ଟିକି ଫୁଲ ମୁଁ
ଟିକି, ଟିକି ବାସନାରେ
ମହକାଏ ଚଉପାଶ ମୁଁ।
ଟିକି ଝରଣାର ଟିକି ଝର ମୁଁ
ଟିକି, ଟିକି ଜଳ ଦେଇ
ଟିକି ପ୍ରାଣ ରଖିଥାଏ ମୁଁ।
ଟିକି କାନନର ଟିକି ବୃକ୍ଷ ମୁଁ
ଟିକି, ଟିକି ଛାଇ ଦେଇ
ପଥକ୍ଲାନ୍ତ ଦୂର କରେ ମୁଁ।
ଟିକି ଶିଶୁ ଏଇ ଧରା ତଳେ ମୁଁ
ଟିକି, ଟିକି ହସଦେଇ
ହସାଉଛି ଦୁନିଆ କୁ ମୁଁ।
ଟିକି ଶିଶୁ ବୋଲି ଟିକି ନାହିଁ ମୁଁ
ମରିପାରେ ଦେଶପାଇଁ
ଲଢିପାରେ ଶତ୍ରୁ ସାଥେ ମୁଁ।
ଟିକି ହେଲେ, କିନ୍ତୁ ହୀନ ନାହିଁ ମୁଁ
ଗଢିଦେଇ କୋଣାରକ
ଦେଖାଇବି ଜଗତକୁ ମୁଁ।