ତୋ ଲାଗି

             

ତୋ ପବନ ରେ ମୋ ଜୀବନ

       ତୋ ଜଳଧାରେ ମୋ ତୃପ୍ତି

ତୋ ବିସ୍ତୃତି ରେ ମୋ ସୃଷ୍ଟି

      ତୋ ପଣତ ରେ ମୋ ବ୍ୟାପ୍ତି

ତୋ ଜଗନ୍ନାଥ ବଡ଼ ଠାକୁର

     ସେତ ମୋ ଲାଗି ଅଭୟ ର ଚାଦର

ତୋ ଅର୍କକ୍ଷେତ୍ର ଶୋଭା ସୁନ୍ଦର

    ଦେହେ ତା ମୋ ଭାସ୍କର୍ଯ୍ୟ ର ସ୍ଵାକ୍ଷର

ତୋ ମହାପ୍ରସାଦ ରେ ଆହା ମୋ ମନ

   ଇଚ୍ଛା ସେ ବଡ଼ଦାଣ୍ଡରେ ବିତୁ ଜୀବନ

ତୋ କଟକେ ମୋର ସବୁ ନାଟକ

     ଚାଲୁ ରଖି ନିଜ ଅପୂର୍ବ ଛଟକ

ସେ ବାଲିଯାତ୍ରା , ଦଶହରା , ଦୋଳ

     ରଜ ର କେଡେ ମଜା ଦୋଳି ଖେଳ

ମା ହାତ କାକରା, ମଣ୍ଡା , ଆରିସା

      ଛୁଞ୍ଚି ପତ୍ର, ଏଣ୍ଡୁରି , ଖୀରିସା

ସବୁ ତୋ ନିଜ କଥା

          ମୁଁ ତୋ ନିଜ ବ୍ୟଥା

 ଜାଣ ଲୋ ଅନନ୍ୟା ଉତ୍କଳିକା

   ତୋ ମୂଢମତୀ ସନ୍ତାନର କଥା

ତୋ ଲାଗି କରୁ ନାହିଁ ସେ ଟିକେ ଯତ୍ନ

  ହଜେଇ ଦଉଛି ଗୋଟେ ଅମୂଲ୍ୟ ରତ୍ନ