ତାରା

ତାରା          ————————————        ✍️ଶ୍ରୀ ଟିକେଶ୍ବର ସାହୁ,          *******************           ଆକାଶର ଗୋଭା ତାରାଫୁଲ ଶୋଭା        ଆସିଛି ସବୁଜ ଧରା,      ଚିକିମିକି ତାରା ମଣିମୁକ୍ତା ଝରା     ଖଞ୍ଜିଛି ରାଇଜ ସାରା |୧|             ମିଟିମିଟି ଆଖି ଖଞ୍ଜିଅଛି ସଖି ଅଗଣା ନୀଳ ସାଗରେ,        ଭାସୁଥିଲେ ତାରା ରଙ୍ଗ ମାଖି ପରା      ସବୁ ରଙ୍ଗଯାକ ସରେ |୨|            ଦୂରେ ବହୁ ଦୂରେ ସରଗ ପୁରରେ ତାରା ଫୁଲେ ସଜା ହୋଇ,      ରହିଛି ପାଲିଙ୍କି ରଙ୍ଗକୁ ଧରିକି      ନିଜ ରୂପେ ଭଲ ପାଇ |୩|            ଜ୍ଞାନବିଜ୍ଞାନର ବହି ପୃଷ୍ଠା ଧାର          ଆକାଶର ତାରାଗଣ,   ମଣ୍ଡିଛି ଫଗୁଣ ମୋହିବାକୁ ମନ         ସଜା ହୋଇ ଧରା ବଣ | ୪|         ମୁଣିରେ ପୂରେଇ ଶତ ତାରାଫୁଲ        ନେଇ ଆସିଛି ଜୋଛନା,     ଜହ୍ନ ରାଇଜର ଅଦେଖା ସହର      ହୋଇଯାଏ ଆନମନା |୫|           ଶରତ ଆଣିଛି କାନିରେ ବାନ୍ଧିଛି ଶତ ଶତ ତାରାଫୁଲ,      ଅରପି ଦେବକି  ମାଆ ପୂଜା ପାଇଁ      ଯାହା ସବୁଠାରୁ ଭଲ |୬|           କବିତାରେ ଦେବି ତାରାଫୁଲ ଖଞ୍ଜି      ଦିଶୁଥିବ ମନଲୋଭା,      ସବୁରି ଆଖିର କାଳିମାର ଧାର     ଲାଖିଥିବ ତାରା ଶୋଭା |୭|      ଗୋଟି ଗୋଟି ତାରା ତୋଳି ଦେବି ପରା   ଟେକି ଦେବି ତୋର ହାତେ,      କବିତା ପୁଞ୍ଜରେ ଶୀତୁଆ ସଞ୍ଜରେ     ଆସୁଥିବ ମୋର ସାଥେ |୮|       ମିଞ୍ଜି ମିଞ୍ଜି ତାରା ଆଖିର ମିଟିକା     ନୟନର ତାରାମଣୀ,   ତାହାର ବିହୁନେ ରହିଛି ସପନେ     ଦିନ ହେଉଥାଏ ଗଣି |୯|             ସେହି ତାରା ଫୁଲ ଏଇ ତାରା ମୂଲ ହେବକି ସଂସାର ତୁଲ,       ନୀଳ ଗଗନର ଅସୀମ ସୁଷମା ତାରା ଦେବ ତାର ମୂଲ |