“ ତାରା “ ( କାଦମ୍ବରୀ ମହାଖୁଡ଼ )

କଳା ଆକାଶେ ତୁ

ଚିକିମିକି ଚୁମୁକି ,

ହୋଉ ଅବା ଅମାବାସ୍ୟା ରାତି

ତୁ ନୀତି ଆସୁ ଝଟକି ||

ଛୋଟ ଛୋଟ ଚିକିମିକି

ନଥାଏ ଧାରାରେ ତୋ ଜ୍ୟୋତ୍ସ୍ନା ,

ତଥାପି ଫୁଟୁଛି ନୀତି

ଆକାଶେ ତୋ ବାସ୍ନା ||

ଲୁଚକାଳି ଖେଳ ତୋର

ସୂର୍ଯ୍ୟର ପ୍ରଖରେ ,

ରାତିରେ ତୁ ଫେରିଆସୁ

ଚନ୍ଦ୍ର ପ୍ରମୁଖରେ ||

ଗଣନାରେ ପ୍ରମୁଖ ତୁ

ଜ୍ୟୋତିର୍ବିଜ୍ଞାନରେ ,

କେବେ ତୋର ଚିତ୍ର ଆଙ୍କୁ

ଜ୍ୟାମିତି ଖାତାରେ ||

କେବେ ଆସୁ ଅଧା ଚାନ୍ଦେ

ଚନ୍ଦ୍ରବିନ୍ଦୁ ହୋଇ ,

ଈର୍ଷାରେ ଋଷୁଛି ସତେ

ନୀଳ ପଦ୍ମ କାଇଁ ||

ଆକାଶର ଫୁସଫୁସ ତୁ

ବଡ ଦେଉଳ ପାରା ,

ପ୍ରକୃତି ର ଉଲ୍ଲାସ ତୁ 

ଚନ୍ଦ୍ରମାର ତାରା ||

   " ତୁ ତାରା " .....