ସୁନା ଧନ

ସୁନା ଧନ ମୋତେ ଗେଲ କରିଦେଲା

ଅତି ସରାଗରେ ଆସି

ଥକା ଜୀବନରେ ପ୍ରାଣ ସଞ୍ଚରିଲା

ମନ ହୋଇଗଲା ଖୁସି l

କଣ୍ଢେଇ ମାଗୁଛି ଖେଳନା ମାଗୁଛି

ମାଗୁଛି ମୋ ସ୍ନେହ ଟିକେ

କୁନିକୁନି ପାଦେ ଧୀରେଧୀରେ ଆସି

ବାବାବାବା ବୋଲି ଡାକେ l

ମୋର ହାତଧରି ମୋ ପାଦରେ ଚଢି

ଚାଲିବାକୁ ମୋତେ କହେ

ମମିଠୁ ବି ଭଲ ତୁମେ ମୋର ବାବା

ମୋ ପିଠି ଥାପୁଡି ଦିଏ l

ଅଝଟ ସେ କରେ ଗପ କହିବାକୁ

ନ କହିଲେ ରାଗିଯାଏ

ପୁରାଣ କାହାଣୀ ଭାରି ଭଲ ପାଏ

ଅଭିମାନୀ ଅଟେ ସିଏ l

ଲାଉ କର ବୋଲି ଅଡ଼ି ବସିଥାଏ

କେବେ ଘୋଡା କରିଦିଏ

ତା ପରି ଅମୂଲ୍ୟ ଧନ ମିଳିବନି

ମୋ ଗାଲେ ଚୁମା ସେ ଦିଏ l