ସୁଖୀ ପରିବାର

ସୁନ୍ଦର ଶିଥିଳ ମନୋରମ ଆମ 

    ମନ୍ଦିର ସମାନ ଘର:

ଆମ ବାପା ବୋଉ ପୂଜ୍ୟ ଆମର

  ଅଟନ୍ତି ସେ ଆପଣାର::

ଜେଜେବାପା ଆମ ଠକଠକ କରି 

   ବାଡି ଧରି ଚାଲୁଥାଏ:

ଜେଜେମାଆ ଆମ ମାଆ ପାଶେରହି 

   ସହଯୋଗ ପାଇଁ କହେ::

ଆଦର ସେନେହ ଥାଏ ନିରନ୍ତର 

    ସୁଖୀ ଆମ ପରିବାର:

ସ୍ନେହ ଭକ୍ତି ଆଉ ସୁଖ ଦୁଃଖ ମିଶି 

    ଚାଲିଥାଏ ଆମ ଘର::

ଶୋଭାପାଉଥାଏ ଆମର ଘରଟି

   ଭଉଣୀ ଭିଣୋଇ ଆସିଲେ:

ପିଉଷା ପିଉଷୀ ଆସିଥାନ୍ତି ଆମ

   ପର୍ବ ପର୍ବର୍ବାଣୀ ପଡିଲେ::

ହସ ଖୁସି ହୋଇ ରୁହନ୍ତି ସେମାନେ

   ଖୁସିରେ ସମୟ କାଟନ୍ତି:

ପିଲାପିଲି ତାଙ୍କ ମଉଜ କରନ୍ତି

   ନୂଆ ନୂଆ ଦ୍ରବ୍ୟ କିଣନ୍ତି::

ବାଦଲ କୂଳରେ ଜହ୍ନ ଯେସନ 

  ଖେଳୁଥାଏ ଚକାଭଉଁରୀ:

ହସରେ ଆମର ବନ୍ଧୁ ବାନ୍ଧବୀ

  ଯାଆନ୍ତି ଖୁସିରେ ପହଁରି::

ଭଦ୍ର ପରିବେଶ ଝାଟି ମାଟିଘର

  ସରଗ ଠାରୁ ୟେ ବଡ:

ମିଥ୍ୟା ପ୍ରତାରଣା ନାହିଁ ଆମଘରେ

   ଶାନ୍ତି ମୁକ୍ତିର ୟେ ଜଡ::

ଏକାଠି ଖାଉ ଏକାଠି ବସୁ ଆଉ

  ଗପସପ ହେଉ ମିଶି:

ବିପଦେ ଆପଦେ ପଡୋଶୀ ଆମର

   ମିଶନ୍ତି ଏକାଠି ବସି::

ମାଣ ବସା ଠାରୁ ଶ୍ରାଦ୍ଧ ପିଣ୍ଡ ଦାନ

   ବାପା ମାଆ କରିଥାନ୍ତି:

ଆମେ ଖାଇ ପିଇ ମଜଲିସ କରୁ

  ସେମାନେ ଯୋଗାଇ ଥାନ୍ତି::

ବିଲ ବାଡି କାମ ବାପା କରିଥାନ୍ତି

   ଆମେ ପାଠ ପଢିଯାଉ:

ଭଲପାଠ ପଢି ବଡହୋଇ ଆମ

   ତାଙ୍କରି ସେବାରେ ଯାଉ::

ଛୋଟ ପିଲାର ସେନେହ ଆଦରେ

    ବଢିଥାଏ ଧନ ମାନ:

ଗୁରୁଜନେ ଭକତି କରୁଥିଲେ ସଦା

    ହେବ ସଦା ରୋଗ ହୀନ::

ସଂସ୍କାରକୁ ଆମେ ଅତିକ୍ରମ କରି

   ଭୋଗୁଛନ୍ତି କେତେ ରୋଗ:

ରୋଗ ଉପଶମ ଭକ୍ତି ମୋକ୍ଷ ବନ୍ଧୁ

   କରିବେ ସୁଖକୁ ଭୋଗ::

ମହେଶ୍ୱର ସାହୁ

ଗୋପୀବିନ୍ଧା, ବ୍ରାହ୍ମଣ ଗାଁ,

ବାଲେଶ୍ୱର(ଭଦ୍ରକ)