ସପନର ସୌଦାଗର

ସପନ ରାଇଜ ରାଜକୁମାରୀ ମୋ

ମନରେ ବାନ୍ଧିଲ ବସା ।

ହୃଦେ ଶୂନ୍ୟସ୍ଥାନ ପୂର୍ଣ୍ଣ କରିଦେଇ

ଢାଳିଲ ପ୍ରେମର ବର୍ଷା ।।(୧)

ହାତ ଧରି ମୋତେ ଉଡ଼େଇ ଯେ ନେଲ

ସପନର ଆରପାରି ।

ସପନ ମଳୟେ ଦୋଳି ଖେଳୁଥିଲ

ହୃଦୟର ବିଭାବରୀ ।।(୨)

ନିଝୁମ ରାତିରେ ଚନ୍ଦ୍ରମା ଗୋ ତୁମେ

ମୁ ଯେ ତୁମର ଜୋଛନା ।

ଅରୁଣ ଉଦୟେ ରକ୍ତବର୍ଣା ଆଭା

ମୋ ହୃଦୟେ ତୁମେ ସ୍ଵପ୍ନା ।।(୩)

ତରଙ୍ଗିତ ଆଉ ଫେନାୟିତ ଉର୍ମି

ମୋ ସପନ ପାରାବାରେ ।

ମୁଁ ଯେ ମାଝୀ ସାଜେ ତୁମେ ଏକା ଯାତ୍ରୀ

ମୋ ସପନ ଜାହାଜରେ।।(୪)

ଯିବା ଭାସି ଦୂର ଇଲାକାକୁ ଯହିଁ

ନ ଥିବ ଛାଇ କାହାର ।

ରଚି ସପ୍ନ ନୀଡ଼ ବନିବି ତୋ ପାଈଁ

ସପନର ସୌଦାଗର ।।(୫)

ଦେବବ୍ରତ ଜେନା

ଶିକ୍ଷକ ,ରଣସିଂହପୁର ଆଶ୍ରମ ବିଦ୍ୟାଳୟ

ଭୋଗରାଇ, ବାଲେଶ୍ଵର

ଦୂରଭାଷ :୯୫୮୩୧୩୮୫୩୩