ସପନର ପରୀ

ସପନରପରୀ ସେ ରାଜକୁମାରୀ

ସପନେ ତୋଳିଛି ଘର

ସ୍ୱପ୍ନ ରାଇଜରେ ଉଡ଼ିବୁଲୁଥାଏ

ଅମାନିଆ ମନ ତାର ।

ନୂଆ ନୂଆ ଏବେ ପ୍ରେମରେ ପଡିଛି

ଲାଗିଛି ପ୍ରୀତିର ଡେଣା

ଉଡିସେ ବୁଲୁଛି ନୀଳ ଆକାଶରେ

ପାଇଛି ନୂଆ ଠିକଣା ।

ଇଚ୍ଛା ହେଉଅଛି ତୋଳିବାକୁ ଜହ୍ନ

ଆକାଶର ଛାତିଚିରି

ତାରାଫୁଲ ସେଜେ ଶୋଇବା ପାଇଁକି

ସପନର ସେଜ ପାରି ।

ମନରେ ତାହାର ଲାଗିଅଛି ଯେବେ

ପୀରତିରେ ନୂଆ ରଙ୍ଗ

ଭାରି ମତୁଆଲା ସାଜୁଅଛି ଏବେ

ତା'ଦେହର ସାରା ଅଙ୍ଗ ।

ଉଡି ବୁଲୁଥାଏ ଭାବନା ରାଜ୍ୟରେ

ନୂଆ ସମ୍ଭାବନା ନେଇ

ପ୍ରେମ ଋତୁ ପରା ଆସିଛି ତାପାଇଁ

ପ୍ରୀତିର ମହକ ହୋଇ ।