ସଙ୍ଘର୍ଷ

ଜୀବନଟା ପରା ସଙ୍ଘର୍ଷମୟ ସଜନୀ ଗୋ ସଙ୍ଘର୍ଷମୟ

ସଂଘର୍ଷ ଆଣିଦିଏ ଥକା ପଣ ନିଶ୍ଚୟ ସଜନୀ ଗୋ

ସେହି ସଙ୍ଘର୍ଷରୁ ମିଳଇ ସୁଖ ଦୁଃଖ ସଜନୀ ଗୋ

ବାହାରୁ ସୁନ୍ଦର ଭିତରୁ ମଜଭୁତ କରେ ଦେଖ ସଜନୀ ଗୋ

ସଂଘର୍ଷ ବିହୀନ ଜୀବନ ଅଟଇ ତୁଛ ସଜନୀ ଗୋ

ତାବିନା ଜୀବନ ସରସ ସୁନ୍ଦର ଏକଥାଟି ମିଛ ସଜନୀ ଗୋ

ସମାଜେ ପ୍ରତି ମଣିଷକୁ ନିରେଖି ଦେଖ ସଜନୀ ଗୋ

ବିନା ସଙ୍ଘର୍ଷେ ବଞ୍ଚିଛି କି ପଣ୍ଡିତ ଅବା ମୂର୍ଖ ସଜନୀ ଗୋ

ସଂଘର୍ଷ ଆପଣେଇ ପାରିଲେ ହୋଇବୁ ସୁଖୀ ସଜନୀ ଗୋ

ଡରି ନ ଯିବୁ କେବେ ହୋଇଣ ଦୁଃଖୀ ସଜନୀ ଗୋ

ମନକୁ ତୋହର ସଦା କରିବୁ ଦୃଢ଼ ସଜନୀ ଗୋ

ନୋହିଲେ ବଦଳି ଯିବ ଜୀବନର ମୋଡ଼ ସଜନୀ ଗୋ