ସ୍ନାନ ପୂର୍ଣ୍ଣମୀ

ବର୍ଷା ଭିଜା ସକାଳରେ 

କୁହୁ କୁହୁ ତାନ 

ମନ ନାଚିଯାଏ ଆଜି 

ମହାପ୍ରଭୁଙ୍କ ସ୍ନାନ 

ବୀଣାପାଣିଙ୍କ ବୀଣା ବାଦନ 

ସ୍ୱର୍ଗର ଦେବାଦେଵୀ 

କରି ଅବଲୋକନ 

ହୋଇଯିବେ ଧନ୍ୟ 

ବୈଚିତ୍ରମୟ ଦୁନିଆଁରେ 

ପ୍ରଭୁଙ୍କ ଵିଧି ଓ ବିଧାନ 

ଶଙ୍ଖର ଦୁନ୍ଦୁଭିରେ 

ପୁରିଉଠେ ଗଗନ ପବନ 

ସୁବାସିତ ଜଳ ଭରି 

ଶହେଆଠ ଗରା ଭାରି 

ସ୍ନାନ କରିବେ ଶ୍ରୀମଧୁସୂଦନ 

ସଂସ୍କୃତି ରକ୍ଷକ ଶ୍ରୀଚକାନୟନ 

ମନୁଷ୍ୟ ତୁଲ୍ୟ କରନ୍ତି 

ସର୍ବ କାର୍ଯ୍ୟ ସମ୍ପାଦାନ 

ଏଡେଇ ହେବନି ବିଧିର ବିଧାନ 

ଏହି ବାର୍ତ୍ତା ଦିଅନ୍ତି ବୋଧହୁଏ 

ଚତୁର୍ଦ୍ଧା କରି ସ୍ନାନ 

ତା ପରେ ଭୋଗିବେ ରୋଗ 

କରିବେ ଔଷଧ ସେବନ 

ପୁଣି ସତେଜ ହେବେ 

ବେଶ ନବଯୌବନ 

ଭକ୍ତ କରିବେ ଦର୍ଶନ 

ଶିଖିବେ ଦୁଃଖର ଦହନ ପରେ 

ସୁଖ ଆଗମନ 

ଆଉ ତିଥି ବାର ଲଗ୍ନ ଦେଖି 

କରିବାକୁ ହେବ କାର୍ଯ୍ୟ ସମାପନ 

ବୈଚିତ୍ର ସଂସାରେ ବିଚିତ୍ର ଭାବରେ 

ଚିତ୍ର ଚରିତ୍ର ଆଦାନ ପ୍ରଦାନ 

ନବଯୌବନ ଦର୍ଶନ କରିବା 

କି ଲୀଳା କରନ୍ତି ମଧୁସୂଦନ