ସମୁଦ୍ର

ମୁଁ ଗୋଟେ ସମୁଦ୍ର 

ମୋ ଭିତରେ ଖାଦ୍ୟ ଅଛି , ଲୁଣ ଅଛି , ମୋତି ବି ଅଛି 

ତୁମେ କଣ ଖୋଜିବ ତାହା ତୁମ ନିଷ୍ପତ୍ତିର କଥା ........... 

ମୋ ଦେହରେ ଆହୁଲା ମାରି ତୁମେ ନାଆ ଚଲାଇବ 

ଅବା ବୁଡାଳି ସାଜି ମୋ ଅଭ୍ୟନ୍ତରରୁ ଜାଣିବ 

ମୋ ଜଳକୁ ନେଇ ତୁମେ ମୁଂଡରେ ମାରିବ 

ଅବା ଥୁ ଥୁ କହି ତାକୁ ତଳେ ଫିଂଗିଦେବ 

ତାହା ତୁମ ନିଷ୍ପତ୍ତିର କଥା ........... 

ମୋ ସୁଂଦରତାରେ ତୁମେ ମଦମତ୍ତ ହେବ 

ଅବା ତୁମ ବାଲିଘର ଧୋଇଦେଉଛି ବୋଲି 

କୁଳକୁ ମୋର କେବେବି ଆସିବନି 

ସବୁ ନିର୍ଭର କରେ ତୁମ ନିଷ୍ପତି ଉପରେ ......... 

ମୋ ଭିତରେ ବି ତ ଅନେକ ମଂଥନ 

ଯାହା ଦେହରୁ ନିର୍ଗତ ହେଉଛି ଅବିରତ ଦୁଇଟି କଳସ 

ଏବେ ନିଷ୍ପତ୍ତି ନିଅ କାହାକୁ ଆପଣେଈବ ତୁମେ 

ଅମୃତ ନା ବିଷ .....................