ହସିବା ମନା

ଖୁଣ୍ଟରେ ବାନ୍ଧି

ଜଗୁଆଳି ହୋଇ ରଖିଛ ଛନ୍ଦି ।

ଦିନ ପରେ ଯାଏ ଦିନ

ଉପହାର ଦେବା ମନରେ ନାହିଁ

ଚକଲେଟ ଫୁଲ ମିଳୁ ଯେ ନାହିଁ

ଏଇ ଅଟେ ତୁମ ମନ ?

ତୁମକୁ ଚାହିଁ

ସବୁ ସଖାଙ୍କୁ ମୁଁ ଆଡେଇ ଦେଉଛି

ଦେଖ ମୋ ଭାଗ୍ୟ

ଏପଟୁ ନାହିଁ କି ସେପଟୁ ନାହିଁ ।

ମନମାରି ମୁଁ ଯେ ବସିଛି

ଭାଲେଣ୍ଟାଇନ ଡେ ଆସୁଛି

ସବୁ ସ୍ମୃତି ପୋଡି ଖାଇ ତ ଦେଲଣି

ଏବେ ଜୀବନଟା ପୋଡା ବାସୁଛି ।

ଯୁବକ ଯୁବତୀ ଟିକିଏ ପ୍ରେମରେ

ପାଳୁଛନ୍ତି ଭାଲେଣ୍ଟାଇନ

ଜୀବନଟା ଆମେ ନିଛାବର କଲୁ

ଆମ ପାଇଁ ଖାଲି ଫାଇନ ।

ସ୍ତ୍ରୀ ହେବା କଣ ଦୋଷ ?

ଛାଡିଦେଇ ଯିବୁ ନାହିଁ ଜାଣିଲେ ବି

ଗିଫ୍ଟ ନଦେଇ ଦେଖାଉଛ ଖାଲି ରୋଷ ।

ମନେ ରଖିଥାଅ କହୁଛି ଏଥର

ସହିବିନି ଆଉ କଷଣ

ଟିକେ ଯଦି ମୋତେ କରିବ ଅଦେଖା

ସହିବ ମୋ କୋପ ବର୍ଷଣ ।

ପତ୍ନୀ ହୋଇଗଲେ ହୃଦୟରୁ ତାର

ପ୍ରେମ ଯାଏନାହିଁ ଶୁଖି

ଚିରଦିନ ପାଇଁ ପ୍ରେମର ବାରତା

ଦିଅ ତା ହୃଦୟେ ଲେଖି ।

ଶକ୍ତିପ୍ରଭା ମିଶ୍ର