ସ୍ମୃୃୃୃୃୃୃୃୃୃୃୃୃତି

ପରିଚୟ ଫିକା ଲାଗେ ସ୍ମୃତିରେଖାରେ,

ତୁମେ ଅଛ ତୁମେ ନାହଁ ମନ ଭିତରେ |୦|

ଲୁଚକାଳି ଖେଳୁଥାଅ ମାନସ ପଟଳେ ,

ଅନ୍ଧାରିଆ ବେଳଟାରେ ତୁମ ମୁହଁ ଖେଳେ ,

ଲାଜ ଲାଜ ହସ ମୁହଁ ନିତି ହାତଠାରେ |୧|

ନାଲି ନେଳି ପଣତରେ ଝୁଲେ ଇନ୍ଦ୍ରଧନୁ,

ଆକାଶର ବୁକୁ ଚିରି ରଙ୍ଗ ଟାଣେ ମନୁ,

ସ୍ମୃତିଭରା ଫଟା କାନି ଖାଲି ମଧୁ ଝରେ |୨|

ଫଗୁଣରେ ଭରା ଦେଇ ଆସେ ସ୍ମୃତି ଚିହ୍ନ,

ଆଷାଢ଼ରେ ନଈ ସୁଏ ଭାସିଯାଏ ଜହ୍ନ,

ଅସୁମାରୀ ସ୍ମୃତି ଚିହ୍ନ ଗାଏ ଶରତରେ |୩|

ତୋଫା ତୋଫା ସ୍ମୃତିରେଖା ମନ ଆଇନାରେ,

ଏବେ ଅଛି ଏବେ ନାହିଁ ଯାଏ ବହୁ ଦୂରେ,

ମୋ ସ୍ମୃତିକୁ ଧରି ମୁଁ ଯେ ବଞ୍ଚେ ତୋ ସ୍ମୃତିରେ |୪|