ସକାଳ

ସକାଳଟା ଲାଗୁଥିଲା ସୁନେଲୀ

ଅଳ୍ପ ଖରା ଅଳ୍ପ ଛାଇ ରଙ୍ଗୋଲି

 ସୂର୍ଯ୍ୟମୁଖି ହସେ ଖାଲି ଖିଲିଖିଲି

ପଞ୍ଚମୁଖୀ ମୁରୁଜର ବର୍ଣ୍ଣ ଚହଲି

ଫୁଲମାନେ ଫୁଟି ଲାଗେ ଜୁବୁଲି

ଧରଣୀରାଣୀ ମୁଣ୍ଡାଇ ତା ଗଣ୍ଠିଲି

 ସ୍ୱର ତୋଳେ କୁହୁ କୁହୁ କୋଇଲି

ସକାଳଟା ପିଇଥାଏ ଅବା ମହୁଲି

ଚାଷ ଆଉ ଚାଷୀ ସାଥେ ଧରା ଚହଲି

ନଈ ସମୁଦ୍ର ବିଲବନ ଉଠୁଥାଏ ଫୁଲି

ସକାଳ ଏକ ସଂଗୀତ ଗାଏ ମୁଁ ମନଖୋଲି

ସୃଷ୍ଟି ଲାଗେ ରସକେଳି ସକାଳ ମଖମଲ୍ଲି

ସକାଳ ସୁରୁଜ ବୁଣି ମୁରୁଜ ନାଲି ନାଲି

ଧରଣୀ ମାଆ ବୁକୁରେ ବାଲି ସାଜେ ଚଗଲି

ସବୁଦିନ ସକାଳ ପୂର୍ଣ୍ଣବ୍ରହ୍ମ କଳସୀରେ 

ଯାଏ ଦୋହଲି ଓ ଚହଲି