Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

Bhagyabanta Mahaling

Others

4  

Bhagyabanta Mahaling

Others

ଶୁନ ସରକାର

ଶୁନ ସରକାର

1 min
369


କାଏଁ କରୁଛ ସରକାର୍ ତୁମେ ହୋ

ଯୋଜନା ସବୁ ତୁମର୍ ଫେଲ୍

ଗରିବ୍ କେ ତୁମେ ନର୍ଦେଇ କରି 

ଖେଲୁଛ କାଏଁ ଯେ ଖେଲ୍ ।

ଜୁଆନ୍ କେ ଦଉଛ ଭତ୍ତା ତୁମେ

ବୁଢା ହେଉଛେ ଥେତା

ଆଏଁଖ୍ ଥାଇ ତୁମେ ଅନ୍ଧ ହୋ

ଧନୀର୍ ଏକା ତୁମେ ନେତା ।

ଲେଟ୍ରିନ୍‌ ବାଥ୍ରୁମ୍ ଦେଲ ସର୍କାର୍

କିଛି ଲାଭ୍ ନାଇଁ ଦେଲା

ଅଧା ଦିନିଆଁ ହେଇଗଲା ସତେ

ପୁରା ଧସ୍କି ଗଲା ।

ଠିକାଦାର୍ ସାଙ୍ଗେ ମନ୍ତ୍ରୀ ଯନ୍ତ୍ରୀ

ପଇସା ଖିଆ ଖେଲ୍

ସ୍ଵଚ୍ଛ ଭାରତ୍ ଯୋଜନା ତୁମର୍ ପୁ

ବୁନ୍ଧୁ ଟିିପିକେ ଫେଲ୍‌ ।

ଉପରେ ଉପରେ ଦେଖେଇ ହଉଛ

କାମ୍ କରୁଛୁଁ ଭଲ୍

ଯୋଜନା ଉପରେ ଯୋଜନା କରୁଛ

ସବୁ ହଉଛେ ତଲ୍ ।

ଧଏନ୍‌ ଧଏନ୍ ହୋ ସର୍କାର୍ ତୁମେ 

ଧଏନ୍‌ ତୁମର୍ ରାଜ୍ ନୀତି 

ଅନ୍ଧାର୍ କେ ସିନେ ଉକିଆଁ କର୍ତ

ଦିନେ ଜାଲୁଛ ବତି ।

ଜନତା କେ କହୁଛ ତୁମେ

ଆପଣ୍ ମାନେ ଖୁସି ତ

ଆମେମାନେ ଗରିବ୍ ହେବାର୍ ପଛେ

ତୁମେ ଏକା ଦୂଷିତ ।


Rate this content
Log in