ଶରତ

ଝିପିଝିପି ମେଘ ସରିଗଲା ଏବେ

ବରଷା ବିଦାୟ ନେଲା ।

ଟିକି ଟିକି ଟୋପା ଶିଶିର ବିନ୍ଦୁ ଯେ

ମରତକୁ ଛୁଇଁଗଲା ।

ଦୁନିଆଟା ଆଜି ସୁନ୍ଦର ଲାଗୁଚି

ଶରତର ଆଗମନେ ।

କାଶତଣ୍ଡି ଫୁଲ ନଦୀ ପଠା ପରେ

ମୁରୁକି ହସୁଛି ମନେ ।

ସୁନୀଳ ଆକାଶ ଦିଶୁଅଛି ତୋଫା

ଶୋଭାଶ୍ରୀରେ ବିମଣ୍ଡିତ ।

କୁମୁଦିନୀ ହସେ ସରୋବର ତଟେ

ଜହ୍ନକୁ ଦେଖି ଲଜ୍ଜିତ ।

ସପନରେ ହଜେ ପାହାଡି ଝରଣା

ମନରେ ଅଭୁଲା ପ୍ରୀତି ।

ଜୋଛନାରେ ଭିଜି ଗାଇଯାଏ ଆଜି

ଆନନ୍ଦରେ ମଧୁ ଗୀତି ।

ଜଗତଜନନୀ ମାଆ ଦଶଭୁଜା

ଆସିବେ ଧରା ପୃଷ୍ଠକୁ ।

ଦୁର୍ଗତିନି ଦୁଷ୍ଟକୁ ବିନାଶି

ଉଧାରିବେ ଜଗତକୁ ।