ଶ୍ରାଦ୍ଧବେଶ

ନରଦେହେ ନାରାୟଣ ପୃଥିବୀରେ ଅବର୍ତ୍ତୀନ

  ଅଧର୍ମ କ୍ରୂରତା ନାଶୀ ଧର୍ମ ସ୍ଥାପନ

ରାମଚନ୍ଦ୍ର ତ୍ରେତୟାରେ ଶ୍ରୀକୃଷ୍ଣଯେ ଦ୍ୱାପରରେ

   ମାନବ ଜନମ ନେଲେ ମଧୁସୂଦନ

   ମାନବୀୟ ଲୀଳା କରିଣ

  ସ୍ମୃତିରେ ଶ୍ରଦ୍ଧlରେ ପାଳେ ଶ୍ରାଦ୍ଧର ଦିନ ll

ରାମ କୌଶଲ୍ୟା କୁମର ଦଶରଥ ପିତା ତାର

   ଜଗନ୍ନାଥ ରୂପେ କରେ ଯେ ଦୀପଦାନ

ପବିତ୍ର ସଂସ୍କୃତି ଆମ  ଅତୀତର କର୍ମ କାମ

   ମମତା ଦର୍ଶନେ ତାର କରୁ ମନ୍ଥନ

   ଶ୍ରାଦ୍ଧ ବେଶ ପ୍ରଭୁ ହୋଇଣ

  ଦର୍ଶନ ଦିଅନ୍ତି ପ୍ରଭୁ ପାଇଁ କଲ୍ୟାଣ ll

କୃଷ୍ଣ ପକ୍ଷ ମାର୍ଗଶିର ଚତୁର୍ଦ୍ଦଶୀ ଯେ ତିଥିର

  ଅଦିତି କଶ୍ୟପ ପାଇଁ ଶ୍ରାଦ୍ଧର ବେଶ

ଅମାବାସ୍ୟାର ଦିନରେ ଲାଗି ପିତୃପୁରୁଷରେ

  ଦଶରଥ କୌଶଲ୍ୟାଙ୍କ ଲାଗି ଉଦ୍ଦେଶ୍ୟ

   ଦୀପ ଦାନ ଦେଇ ଠାକୁର

  ଶୁଭ୍ର ବସ୍ତ୍ର ପିନ୍ଧି ଦେବ କି ମନୋହର ll

ଦେବକୀ ଯଶୋଦା ନନ୍ଦ ବାସୁଦେବ ଇନ୍ଦ୍ରଦ୍ୟୁମ୍ନ

  ଗୁଣ୍ଡିଚା ଦେବୀଙ୍କ ପାଇଁ ଦୀପ ଦେଇଣ 

ତିଥି ପ୍ରତିପଦା ଦିନ  ଦେବ ଦୀପାବଳୀ ଦିନ

   ଶ୍ରାଦ୍ଧବେଶେ ଜଗନ୍ନାଥ କରୁ ଦର୍ଶନ

   ଜଗନ୍ନାଥ ବଡ଼ ଠାକୁର

  ଲୀଳାଖେଳା ନୀଳାଚଳେ ଅତି ସୁନ୍ଦର ll

ସୁତାଶାଢ଼ୀ ଧଳାବେଶ  ନାଲି ଧଡ଼ି ସାଧାବେଶ

   ଷୋଳ ହାତେ ଶାଢ଼ୀ ଶୋଭେ ଜଗନ୍ନାଥଙ୍କ

ଚଉଦ ହାତେ ଲମ୍ବର ସାଢ଼େ ତିନି ଓସାରର

   ଏକ ହାତ କଳା ଧଡି ବଳଭଦ୍ରଙ୍କ

   ହଳଦିଆ ଧଡି ପିନ୍ଧିଣ

  ସୁଭଦ୍ରା ମାତାଙ୍କୁ ଦେଖୁ ଫେଡ଼ି ନୟନ