ଶିଶିର ଅନଳ

ରଚନା : ଶ୍ରୀ ରାଜଶେଖର ସି 'ଚିମା'

ଆସିଲା ଶିଶିର ବେଳର ଶୀତ ପାଗ,

ଅନଳ ତାପ ରହିଲେ ଭଲ ଲାଗେ ଏହି ପାଗ |୧|

ଚାଲୁଅଛି ଥରଥର କମ୍ପିତ କରୁଥିବା ଶୀତଳ ପବନ,

ନିର୍ଭୟ ସହ ସମ୍ମୁଖୀନ ହୋଇ ଖୋଜିବାକୁ ହେବ ଉପଶମନ |୨|

ସକାଳ ସଞ୍ଜବେଳେ କେତେ ଯେ ଶୈତ୍ୟ,

ଲାଗେ ଯେ ଶୀତ ଋତୁ ର ଅନନ୍ତ ଆଧିପତ୍ୟ |୩|

ମାଁ ପୁଅ ନେଉଛନ୍ତି ଲଘୁ ନିଆଁ ର ମଜା,

ଆରାମ ପାଉଛନ୍ତି ନେଇ ଉଷୁମ ଅଗ୍ନି ର ମଜା |୪|

କେତେ ସୁନ୍ଦର ଯେ ପୁଅ ର ନିଷ୍କପଟ ମୃଦୁହାସ,

ମାତା ପାଇଁ ସଦା ମନୋରମ ମନୋହର ଏହି ସ୍ମିତହାସ |୫|

ଉଭୟ ଭୁଲି ସାରିଛନ୍ତି କିଛି ସମୟ ପାଇଁ ସବୁ କଷ୍ଟ,

ଉଭୟ ଜାଣିଛନ୍ତି ଯେ ଜୀବନ ରେ ସଦା ରହିବନି କଷ୍ଟ |୬|

ସାଙ୍ଗପରି କରୁଛନ୍ତି ଅବିସ୍ମରଣୀୟ ବାର୍ତ୍ତାଳାପ,

ହସି ଖୁସି ରେ ଅତିବାହିତ ହେଉଛି ମାଆ ପୁଅଙ୍କ ଆଳାପ |୭|

ଜାଗା ପ୍ରତି ନାହିଁ କୌଣସି ଚିନ୍ତା,

ଜନନୀ ପାଖେରେ ସର୍ବଦା ଥାଏ ଅନୁରାଗ ର ଅନୁପମ ଅନୁଚିନ୍ତା |୮|

ଏଇଠି କେବଳ ଦିଶୁଛି ମାଙ୍କ ମମତା,

କୋମଳ ଅଗ୍ନି ର ତାପ ଯେମିତି ହୋଇଛି ଏହି ମମତା |୯|