ଶୀତ

ଋତୁଚକ୍ରର କ୍ରମବିବତ୍ରନେ

ଆସି ପହଁଚିଲା ଶୀତ

କି ସୁନ୍ଦର ଦିଶେ ଶିଶିର ବିନ୍ଦୁ

ଫୁଲର ଯୌବନ ବେଶ l

ଚତୁର୍ଦିଗ ଦିଶେ ରଙ୍ଗ ବେରଙ୍ଗ

ବୃକ୍ଷଲତା ହସୁଥାନ୍ତି

ଧାନ ସୋରିଷର କ୍ଷେତ ପାଖରେ

ଚାଷୀ ଆନନ୍ଦେ ନାଚନ୍ତି l

ଘନ କୁହୁଡିରେ ରାସ୍ତା ଦିଶେନି

ଯାତ୍ରୀ ଭୋଗନ୍ତି ଦୁର୍ଦଶା

ଗରିବ ଭିକାରୀ ଦୁଃଖ ପାଆନ୍ତି

ନାହିଁ ଯାହାର ବସା l

ଅଳସୁଆ ମାନେ ଚାଦର ଘୋଡେଇ

ଆନନ୍ଦରେ ଶୋଇଥାନ୍ତି

ବୁଢାବୁଢ଼ୀ ମାନେ ଶୀତ କଷ୍ଟରେ

ଥୁରୁଥୁରୁ କମ୍ପୁଥାନ୍ତି l

ଶୀତ ଦିନରେ ପରିବାପତର

ଆନନ୍ଦରେ ଖାଉଥାନ୍ତି

ଭୋଜିଭାତ କରି ଉତ୍ସବ ମନେଇ

ନାଚ ଗୀତ କରୁଥାନ୍ତି l

ଶୀତ ଅନୁଭୂତି ସମସ୍ତଙ୍କ ପାଇଁ

ଅଟେ ପରା ଭିନ୍ନଭିନ୍ନ

କିଏ ଆନନ୍ଦେ କିଏ ଦୁଃଖରେ

କାଟନ୍ତି ନିଜ ଜୀବନ l

ସୁକାନ୍ତି ହୋତା

ତାଳଚେର