ଶୀତ

ଦେଖିଲା ମୁନା ଆମ ସାହିର 

ଜାଗ୍ରତ ପ୍ରହରୀ କୁକୁରସବୁ 

ଶୀତରେ ଥରି ଉଷୁମ ପାଇଁ 

ଲିଭା ନିଆଁ ପାଉଁସକୁ କରି କାବୁ 

ଶୋଇଥିଲେ ପଡି ଛାଡି ଘୁଙ୍ଗୁଡ଼ି 

ମୁନା ମାରିଲା କୁହାଟ 

ଆସରେ ଆସ ଏଇଠି ବସ 

ଖାଇବ ଯଦି ଚୁଙ୍ଗୁଡ଼ି 

ଶୀତରେ ବାଡ଼ି ବଗିଚା ସାରା ଗେଣ୍ଡୁ ଫୁଲ 

ଫୁଲରେ ଲଷ୍ମୀ ଦିଶନ୍ତି ଶୋଭା ପଦ୍ମ ଭଲ 

ଶୀତରେ ନଈ ବସିରହେନା 

ଯାଉଥାଏ ବହି 

ଚଢେଇ ଉଡି ଡେଣାତା ଝାଡ଼ି 

ଘାସଫୁଳରୁ କାଠି ଆଣି 

ବସାଟା ଯାଏ ବୁଣି 

ଚାଷୀ ଭାଇଟା ଲଙ୍ଗଳ ମୁନେ 

କର୍ଷଣ କରେ ଧାନ ବିହନେ 

ଶୀତକୁ ଡର ନାହିଁ 

ଜେଜେମା ହାତୁ ଗରମ ଚା ଟା ନେଇ 

ଜେଜେ ପଢ଼ନ୍ତି ସମାଜ ଓ କେତେ ବହି 

ବାପା କହନ୍ତି ଶୀତକୁ ଡରି 

ଅଳସୁଆ ଦୁଃଖ ପାଏ ଭାଗ୍ୟ ଆଦରି 

ମୁନା କରେନା ହେଳା 

ହେଳା କଲେ ବୁଡିବ ଭେଳା 

ଶୁଣିବେ ନାହିଁ ଗୁହାରି ହରି ସେ ଚକାଡୋଳା 

ଶୀତ ନଡରି ମୁନା ହାତକୁ ଧରି 

ମାଆ ପଢ଼ାନ୍ତି ପାଠ 

କହି ପାଠ ପଢିଲେ ହେବୁ ତୁ ସୁନାଚାଟ