ଶୀତ ସକାଳ ଯେବେ ଆସେ
ଶୀତ ସକାଳ ଯେବେ ଆସେ
ଶୀତ ସକାଳ ଆସି ଆମ ଘର କବାଟ ବାଡେଇ ଦେଇ ଗଲାଣି
ଘର ସାରା କେଳି କୁସୁମର ବାସ୍ନାରେ ଭରିଗଲାଣି
ଶୀତ ସକାଳରେ ପ୍ରାତଃ ଭ୍ରମଣର ମଜା ନିଆରା
ରାସ୍ତା ସାରା କୁହୁଡ଼ିର ଚାଦର ଲାଗେ ଭାରି ସୁନ୍ଦର।
ଚାଲୁ ଚାଲୁ ଟିକେ ରହିଯାଇ ବାମ୍ଫ ପକା ଗରମ କଡା ଚା ପିଇବାର ମଜ୍ଜା ଜଣେ ଅନୁଭବୀ ଜାଣିପାରିବ।
ଏମିତି ଶୀତୁଆ ସକାଳେ ମନ ହୁଏ
ତୁମେ ଓ ମୁଁ ବୁଲୁଥାନ୍ତୁ
ଅନେକ ଅନେକ ଯୋଜନ
ଯେଉଁଠି ଖାଲି ପ୍ରକୃତି ନିଜ ରୂପ ପସରା ଖୋଲିଥିବ
ତୁମେ ହସିଲେ ତପନ ବି ଧାରେ ହସି ଦେଉଥିବ
ତୁମେ ଗରମ ଗରମ ସୁପ ବାଢ଼ି ଦେଉଥିବ
ମୋ ଆଖିର ଚମକ ଦେଖି ବି ତୁମେ ବାଢୁଥିବ
ଦାନ୍ତ ଚିପି ଚିପି
ଶୀତ ଆସିଲେ ଆମ ସମ୍ପର୍କ ବି ତାଜା ହେଇଯାଏ
ଠିକ ଆଗ ପରି।
ତୁମ କୋବି ପକୁଡି
ମୋ ପୋଦିନା ଚଟଣି
ଏ ସବୁ ଆମ ଭିତର ସ୍ୱାଦ ଭରେ ।
ଜୀବନ ନୂଆ ପରି ଲାଗେ।