ସେବା

ଜୀବନଟା ଏକ ରଙ୍ଗମଞ୍ଚ ଏଠି 

  ସୁଖ ଦୁଃଖ ପଥ ତହିଁ

ମଣିଷଟା ଏଠି ଅଭିନୟ କରେ 

  ନାଟ କରି ପେଟ ପାଇଁ l

ନିର୍ଦ୍ଦେଶକ ଏଠି ସ୍ବଂୟ ପରଂବ୍ରହ୍ମ 

  କର୍ମଟି ଅଟଇ ମୁଖ୍ୟ 

ସୁକର୍ମ ଆଦରି ଅଭିନୟ କଲେ 

  ଥୁଆଟି ସୁଖ ସୌଭାଗ୍ଯ l

କୋଟି ପୂଣ୍ୟବଳେ ମଳିଅଛି ଯଦି 

  ଆମ ଏ ମଣିଷ ଜନ୍ମ  

ଅନ୍ୟ ଜୀବେ ଦୟା ଭାବ ପରଶିବା 

    ଏହାହିଁ ଆମରି ଧର୍ମ l

ସୁକର୍ମ ଆଦରି କର ଅଭିନୟ 

  ସାହା ହେବେ ଦୟାମୟ

ଜୀବନ ଦର୍ଶନ ମୂଲ୍ୟାୟନ ବେଳେ

   ନଥିବ ପାପର ଭୟ l

ହସି ହସେଇବା ହଉ ଆମ ବ୍ରତ

  ମନରହୁ ପରୋପକାରେ

ମାନବ ସେବା ହିଁ ମାଧବଙ୍କ ସେବା  

   ଲକ୍ଷ୍ୟ ରହୁ ଜୀବନରେ ll