ସେବା
ସେବା
1 min
136
ଦୁର୍ଭିକ୍ଷ ପିଡ଼ିତ ଉଦର ଅଣ୍ଡାଳି
କୋଟି ଜନ ମନ କିଣି ନେଲ
ଦୁସ୍ଥ ମାନଙ୍କର ସେବା କରୁ କରୁ
ଚିର ଅମର ହେଲ
'ସମାଜ' ସମର୍ପି ଦେଲ
ଦେଶବାସୀ ମନେ ପ୍ରେରଣା ଯୋଗାଇ
ଆଦର୍ଶ ଗାଥା ଲେଖିଲ ।
ସେବାହିଁ ଧରମ ସେବାହିଁ କରମ
କହେ ଆଧ୍ୟାତ୍ମିକ ମାର୍ଗ
ତୁମରି ସେବାର ତ୍ୟାଗରେ ଉତ୍କଳ
ଲଭିଅଛି କେତେ ଗର୍ବ
ସେବାରେ ନିହିତ ସ୍ବର୍ଗ
ଆଜିର ମଣିଷ ବୁଝିକି ଅବୁଝା
ତୋଳେ ଅହଙ୍କାର ଗର୍ବ ।
ସଫଳତା ମନ୍ତ୍ର ଗାଉଚି ଶାସକ
ନିଜ ଦେଶ ପ୍ରଜା ପାଇଁ
ଯୋଜନା ଭିତ୍ତିରେ ପୁଞ୍ଜିପତି ସେବା
ରକ୍ଷଣା-ବେକ୍ଷଣା ନେଇ
କର୍ମର ସାଧନ ପାଇଁ
ସତେକି ବିବଶ ସବିତାର ଭାଗ୍ୟ
ସଞ୍ଜ ଆସେ ନଇଁ ନଇଁ ।