ସ୍ବପ୍ନ

ସ୍ବରାଜ୍ଯ ସପନ ହଜିଗଲା କାହିଁ 

   ହିଂସା ଜଳେ ପ୍ରତିପ୍ରାଣେ

 ପାଶ୍ଚାତ୍ୟ ସ୍ବପ୍ନରେ ବିଭୋର ଜନତା 

    ଭାଷାପ୍ରୀତି ହୀନ ମଣେ 

ସ୍ବର୍ଣ୍ଣିମ ଐତିହ୍ୟ ସ୍ବପ୍ନ ହେଲା ଆଜି 

    ଇତିହାସ ପୃଷ୍ଠାତଳେ 

 ତଥାପି ସ୍ବତନ୍ତ୍ର ଗୌରବ ଗାରିମା

     ଉତ୍କଳର ତରୁ ଡ଼ାଳେ

ସପନ ଦେଖିବା ମନା ନାହିଁ ଏଠି 

   ଗରିବ ହେଉକି ଧନୀ 

 ଗରିବର ସ୍ବପ୍ନ କଂସାଏ ପଖାଳ 

    ସମ୍ଭ୍ରାନ୍ତଙ୍କ ସ୍ବପ୍ନ ଦାମୀ 

ବିକାଶ ସ୍ବପ୍ନରେ ବିଭୋର ଶାସକ 

    ଦୁଇଶ ଟଙ୍କାର ଦାନୀ 

ବିଲ ହୁଡ଼ା ଧାରେ ସ୍ବପ୍ନ ଦେଖୁ ଦେଖୁ 

    ଶେଷ କୃଷକ ଜୀବନୀ ....