ସାଧୁ ସାବଧାନ

ବେଳ କାଳ ଏବେ ଯେପରି ହୋଇଛି

 ହାତେ ମାପି ଟିପେ ଚାଲ 

ନ ହେଲେ ଭୋଗିବ ଯମ ଯନ୍ତ୍ରଣା ରେ

 ଅକାଳରେ ନେବ କାଳ।୦।

ସାଧୁ ସାବଧାନ...

ହାତେ ସିଇଁଲେ ଦଶ ହାତ ଚିରେ

 ମଧ୍ୟମଙ୍କ ଶନି ଦଶା 

ତଳତଳିଆ ଯେ ସୁଖେ ନିଶା ପିଏ

 ଧନୀଙ୍କ ବଢେ ବେଉସା।୧।

ସାଧୁ ସାବଧାନ......

ଅର୍ଥକୁ ଅନର୍ଥ ହେବାଟାତ ଧାର୍ଯ୍ୟ

  କହୁଥିଲେ ସତ କଥା 

ପ୍ରିୟ ହେବାପାଇଁ ଉଚ୍ଚ ଲୋକଙ୍କର

 ଶ୍ରେଷ୍ଠ ତ ଚାଟୁକାରିତା।୨।

ସାଧୁ ସାବଧାନ.....

ଗୋଟିଏ ତୁଣ୍ଡରେ ଛେଳି କୁକୁର ତ

 ହେଉଛନ୍ତି ଆଜିକାଲି 

ଷଣ୍ଢ କ୍ଷୀର ଦିଏ କହିଲେ ତ କେହି

  ପଣ୍ଡିତେ ମାରନ୍ତି ତାଳି।୩।

ସାଧୁ ସାବଧାନ......