ସ୍ୱପ୍ନ
ସ୍ୱପ୍ନ
1 min
190
ନିର୍ଜନ ନିସ୍ତବ୍ଧ ଯାମିନୀ କୋଳରେ
ଶୋଇଯାଇଥିଲି କିଛି ସମୟ
ନିଦ୍ରିତ ଆଖିରେ ସପନ ଭରିଲା
ହୋଇଗଲା ମୋର ମନ ତନ୍ମୟ ।
ଜହ୍ନ ରାଇଜରେ ଘର ତୋଳିଥିଲି
ତାରାମେଳେ କରୁଥିଲି ଭ୍ରମଣ
ଆକାଶ ବୁକୁରେ ନିଦ୍ରା ଯାଇଥିଲି
ନିଶ୍ଚିନ୍ତାରେ ଭୁଲି ସବୁ କଷଣ ।
କଳା ମେଘ ଘେରା ବିସ୍ତୀର୍ଣ୍ଣ କୋଠରୀ
ଶୂନ୍ୟ ହୃଦୟରେ ନଥିଲା ଆଶା
ଆତ୍ମତୃପ୍ତିପୂର୍ଣ୍ଣ ଜୀବନେ ମୋହର
ଭରି ରହିଥିଲା ଜୀଇଁବା ନିଶା ।
ଦୁଃଖ ଯାତନାର ନଥିଲା ପ୍ରବେଶ
ସୁଖମୟ ଥିଲା ପ୍ରତିଟି କ୍ଷଣ
କଳ୍ପନା ବିସ୍ତାରି ସପନ ରାଇଜେ
ବାସ୍ତବତା ପାଇଁ ନଥିଲା ସ୍ଥାନ ।