ରୋଗ

ଉଜ୍ଜ୍ୱଳ ଚକିତ ଶରୀର ଆମରି

           ଯନ୍ତ୍ରଣାରେ ଜଡ ବଡ;

ତନୁ ମନ ହରି ଶ୍ରୀମନ୍ତ ସିରିରେ 

           ଯାତନା ପୀଡାର ଜଡ::

ସୁସ୍ତ ଜନ ସୁଖ ଚପଳ ତନୁରେ

          କାର୍ଯ୍ୟରତ ସଦା ଲୟେ;

ଅସୁସ୍ଥ ଶରୀର ଦାରୁଣ ବେଦନା

          ଜୀବନ ପାଇଁକି ଭୟେ::

କାମନାରୁ ଦୁଃଖ ଦୁଃଖରୁ ଯନ୍ତ୍ରଣା

          ଯନ୍ତ୍ରଣାରୁ ଜାତ ରୋଗ;

କାମନା ବିନାଶେ ଦୁଃଖର ବିନାଶ

          ସୁଖକୁ କରିବେ ଭୋଗ::

ଧୂମ୍ରପାନେ ରୋଗ ଲଭନ୍ତି ମାନବ

         ଲଭନ୍ତି ଦାରୁଣ ବେଦନା;

ମଦ୍ୟପାନ ଜନେ ଦେଇଥାଏ ପୀଡା

         ଶରୀରକୁ ନଷ୍ଟ ଯାତନା::

କେମିକାଲ ଯୁକ୍ତ ଗୁଡାଖୁ ଦୁକୁଟା ଆଉ

         ଗୁଟୁଖା ସିଗାରେଟ ପାନ;

ଖଇନି ଚାରକ ଗଂଜେଇ ଅଫିମ

         ନିଏସେ ମାନବ ଜୀବନ::

ଦୁରେଇ ରହିଲେ ନିଶାଦ୍ରବ୍ୟ ଠାରୁ

        ରୋଗ ନ ଗ୍ରାସଇ ମାନବେ;

ଖଳ ପ୍ରକୃତିରୁ ସୃଷ୍ଟିହୁଏ ରୋଗ

          ପ୍ରକୃତିକୁ ଛାଡ଼ ସରବେ::

ମିଥ୍ୟା ହିଂସା ଘୃଣା ଆଉ ଦ୍ଵେଷଭାଵ

           ଅଟେ ରୋଗର କାରଣ;

ବାୟୁ ଭୂମି ଶବ୍ଦ ପ୍ରଦ୍ୟୁଷଣ ଦିନେ

           ନେବ ମାନବର ଜୀବନ::

ଜାଗରେ ମାନବେ ଭଦ୍ରଶିଷ୍ଟ ହୋଇ

            କର ମାନବର ସେବା;

ସେବା ରେ ବିଦ୍ୟ ଶାନ୍ତି ମୁକ୍ତି

            ନିଶ୍ଚୟ ନିରୋଗ ହେବା::

ମହେଶ୍ୱର ସାହୁ