ରଜ

ରଜ ଆସିଛି ରଜ ଆସିଛି 

ଗୋଲାପି ଓଠରୁ ହସ ନେଇ 

ସଜ୍ଜଳ ଆଖିର କଜ୍ଜ୍ୱଳ ହୋଇ 

ମୌସୁମୀଠୁ ବାସ୍ନା ନେଇ 

ବରଷାଠୁ କାଗଜ ଡ଼ଙ୍ଗା ପାଇ 

ଆଉ ସାଧବ ବୋହୂର 

ନାଲି ଠୁକୁଠୁକୁ ଚାଲି ନେଇ 

ଚେନାଏ ଚନ୍ଦନ ପରି 

ନିଖିଏ ଅଗରୁ ଭରି 

ଟିକିଏ ତୃଷା ପରି 

ଅନେକ ସ୍ୱପ୍ନ ଆଶାବରୀ 

ଦୋଳିରେ ବସି କୁଆଁରୀ 

ସ୍ୱପନେ ବିଭୋର ଭାରି 

ମାଆ ହାତ ଆରିଷା 

ପିଠା ଭିତରେ ସରସା 

ପୋଡ଼ପିଠାର ବାସ 

ବୁଢା ବୁଢ଼ୀଙ୍କ ପାକୁଆ ହସ 

ମାଟିମାଆ ବକ୍ଷରେ ଧରେ 

ଓଢଣା ଓଦା ବାରିଦରେ 

ଲାଲିମାରେ ଭରି ମୌସୁମୀ 

ଲାଗେ ପ୍ରକୃତି ରେଶମୀ 

ଘଡଘଡି ରହି ରହି ବାଜୁଛି 

ଚଡ଼ଚଡ଼ି ଡରାଉଛି 

ଡର କାହାକୁ ଭୟ କାହାକୁ 

ଇଶ୍ୱର ଅଛନ୍ତି ଚଉବାହାକୁ 

ଆଈ ଏକଥା କହୁଛି 

ଆଉ ଅଜାଙ୍କ ଚଷମା ଫାଙ୍କରୁ 

ଖବର କାଗଜ ଭିତରୁ 

ସଂସ୍କୃତି ପରମ୍ପରା କି ବଦଳିଛି 

ସନ୍ଧିକାରକ ବିଭକ୍ତିରେ 

ଲେଖିରଖିବାକୁ ଚେଷ୍ଟା ଚରିତ୍ର 

ଜାରି ରହିଛି, ଯେଣୁ ରଜ ଆସିଛି l