Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!
Unlock solutions to your love life challenges, from choosing the right partner to navigating deception and loneliness, with the book "Lust Love & Liberation ". Click here to get your copy!

tikeshwar sahu

Others

3  

tikeshwar sahu

Others

ରହସ୍ୟ

ରହସ୍ୟ

1 min
218



ରହସ୍ୟ ଆଉ ତ ରହସ୍ୟ ହେବନି

ତୁଟିବ ଯେବେ ରହସ୍ୟ,

ଦୁନିଆଁ ଦାଣ୍ତରେ ଲୋକେ କହୁଥିବେ

ଏହା ଏକ ପରା ହାସ୍ୟ |୧|

ଉପୁରି କଥାରେ ଲୋକେ ଭାସିଯାନ୍ତି

ଜାଣନ୍ତିନି କପଟତା,

ବିଶ୍ବାସ କଥାରେ ବିଷ ଦେଇକରି

ଭଣ୍ଡ କରନ୍ତି ସଠତା |୨|

ହତ୍ୟାର ରହସ୍ୟ ପରଦା ଉଠେନି

ଲିଭିଯାଏ ସଞ୍ଜସଳିତା,

ରହସ୍ୟ ଉଠିବା ବେଳକୁ ହୁଏତ

ଜୀବନଟା ଲାଗେ ପିତା |୩|

ଜନ୍ମର ରହସ୍ୟ ଦେବେ ଅଗୋଚର

ଜନ୍ମ ଜନ୍ମାନ୍ତର ପାଇଁ,

ଦେବକୀ ଗର୍ଭରେ ଶ୍ରୀକୃଷ୍ଣ ଜନମ

ଗର୍ବୀ କଂସ ବଧ ପାଇଁ |୪|

ଯାଜ୍ଞସେନୀ ପାଇଁ କୋଟୀ ବସ୍ତ୍ର ଦେଲେ

ଲଜ୍ଜା କରି ନିବାରଣ,

ମାନୀ ଦୁର୍ଯ୍ଯୋଧନ ବୁଝି ପାରିଲାନି

ବସ୍ତ୍ର ରହସ୍ୟର କାରଣ |୫|

ସ୍ତମ୍ଭରୁ ବାହାରି ନୃସିଂହ ରୂପରେ

ବଧିଲ ହିରଣ୍ୟକଶିପୁ,

କେତେ ଯେ ରହସ୍ୟ ରଚିଥିଲ ଆପେ

ଉଦ୍ଧରିଲ ପୃଥ୍ବୀ ପାପୁ |୬|

ସ୍ବୟଂ ମହାପ୍ରଭୁ ରହସ୍ୟର ସୂତ୍ର

ନିଜେ ପୁଣି ସୂତ୍ରଧର,

ବିଶ୍ବ ବ୍ରହ୍ମାଣ୍ତରେ ବିରଚିଲ ପ୍ରଭୁ

ଭିନ୍ନ ଏକ ସୃଷ୍ଟିସ୍ବର |୭|

ସ୍ବୟଂ ଜଗନ୍ନାଥ ନିରାକାର ବ୍ରହ୍ମ

ଆଣାକାରେ ସେ ଆକାର,

କେହି ନ ଜାଣନ୍ତି ତାଙ୍କର ରହସ୍ୟ

ସାରା ବିଶ୍ବ ଚରାଚର |୮|

ସାମାନ୍ୟ ମଣିଷ ବୁଝି ପାରିଲାନି 

ଏହି ସୃଷ୍ଟିର ରହସ୍ୟ,

ନିଜ ଗର୍ବ ଦମ୍ଭେ ଦେଖାଏ ବହପ

ଭୁଲିଯାଏ ପ୍ରଭୁ ବିଶ୍ବ |୯|

ଅନ୍ୟାୟ ଅନୀତି ସମାଜର ଗତି

ଦିନୁ ଦିନ ଯାଏ ବିଗିଡ଼ି ,

ଦିନେ କି ବୁଝନ୍ତା ସୃଷ୍ଟିର ରହସ୍ୟ

ବେଳ ଯାଉଅଛି ଗଡ଼ି |୧୦|



Rate this content
Log in