ରେଳ ଉପରେ କବିତା ଲିଖନ

ହଲି ହଲି ଚାଲି ବାଷ୍ପୀୟ ଶକଟ l

     ବିଳାଶପୂରର ହୋଇଛି ନିକଟ ll

ଋଷିକେଶ ଠାରୁ ବିଳମ୍ୱେ ବହାରି l

   ହୋଇଅଛି ଏବେ ଦଶଘଣ୍ଟା ଡେରି ll

ବୁଲି ବୁଲି ବୁଲି କେତେ ବାଟ ବୁଲି l

    ଚାଲିଅଛି ଯାନ ଧୀରେ ଝୁଲି ଝୁଲି ll

ଯାନ ନାମ ଭାଇ କଳିଙ୍ଗ ଉତ୍କଳ l

   ଯାତାୟତେ କେବେ ନହୁଏ ଚଞ୍ଚଳ ll

ଉତ୍କଳର ସାଥେ କେହେବ ସମର୍ଥ l

    ଉତ୍କଳରେ ବିଜେ ଜଗତର ନାଥ ll

ଉତ୍କଳର ନେତା ସ୍ଵୟଂ ନାରାୟଣ l

      ଚଳାଇ ଅଛନ୍ତି ଏ ବିଚିତ୍ର ଯାନ ll

ସେ ଯାନରେ ବସି ଗଲି ମୁହିଁ ଦିଲ୍ଲୀ l

     ଦିଲ୍ଲୀଠାରୁ ପୁଣି କାଶମିରି ଗଲି ll

ଭୂସ୍ବର୍ଗ କାଶ୍ମୀରୀ ସ୍ଵର୍ଗ ଶ୍ରୀନଗର l

     ଦେଖିଲି ପାହାଡ଼ ପର୍ବତ ତୁଷାର ll 

ସଙ୍ଗେ ଥିଲା ମୋର ଲାଡଲି ନାତୁଣୀ l

   ପତ୍ନୀ ମୋର ଅରୁନ୍ଧତୀ ମହାରାଣୀ ll

ପୁତ୍ର ପୂତ୍ରବଧୂ କନ୍ୟା ଓ ଜାମାତା l

    ଖାଇଲୁ ଦହି ଓ କାଶ୍ମୀରୀ ପରଟା ll

ସମ୍ପତ୍ତି ଗୋଟିଏ ଆଣିଅଛି ଭାଇ l

      କହ୍ଲାଣଙ୍କ ରାଜତରଙ୍ଗିଣୀ ବହି ll

ସେ ବହିରୁ ପଢ଼ି ତଥ୍ଯମାନ ସବୁ l

   କାହାଣୀରେ ପାଠ୍ୟପଥ୍ୟ ପରଷିବୁ ll

ଧନ୍ୟ ପ୍ରଭୁ ମୋର ଜଗତ ଠାକୁର l

  ମନୋବାଞ୍ଚ୍ଚା ପୂର୍ଣ୍ଣ କରାଇଲେ ମୋର ll

ଚରଣରେ ତାଙ୍କ କୋଟି ପ୍ରଣିପାତ l

    ଏକାମ୍ରରେ କାଲି ହେବ ମଧ୍ୟରାତ୍ର ll