ପ୍ରଜାପତି

ଧରିଲେ କଙ୍କି

ମାଆ କହେ

କଙ୍କି ଧରିଣ ମାଆ ମରଣ

ନିବୃତ୍ତ ହୁଏ ମନ

ପ୍ରଜାପତି ଧରିବାକୁ ଗଲେ

ବାପା କହନ୍ତି

ଛିଣ୍ଡିଯିବ ତା ଡେଣା

କଷ୍ଟ ପାଇବ

ଉଡିନପାରିଲେ ସେ ଖାଇବ କଣ

ରହିଯାଏ ସୁନା ଧନ

ସାଧବ ବୋହୁ ଆଣି

ସିନ୍ଦୁର ଫରୁଆ ସଜାଡି

ରଖୁ ରଖୁ ଜେଜେ କୁହନ୍ତି

ପ୍ରକୃତି କୋଳେ

ବଢନ୍ତି ସେମାନେ

ମରିଯିବ କାଳେ ସାବଧାନ

ପିମ୍ପୁଡି ଗାତରେ ଗୋଡ଼ ପକେଇଲେ

ଅଜା କୁହନ୍ତି ଦେଖ

ସେମାନଙ୍କ ସଞ୍ଚୟ ଗୁଣ

ଝିଣ୍ଟିକା ଡେଇଁ ଡେଇଁ ଖେଳିଲେ

ସେ ଅଳସୁଆ ସବୁଦିନ

ସବୁ କୀଟ ପତଙ୍ଗ ଧରିବାକୁ ମନା

କଣ କଲେ ହେବ କୁନା ସୁନା

ରଖିଛି ପିଣ୍ଟୁ ପୋକ

ଦେଉଛି କୋବି ପତ୍ର

ଜେଜେମା କହନ୍ତି ବିଚିତ୍ର

କୁନା ମୁନା ଟୁନା ମାନଙ୍କ ଚରିତ୍ର ।