ପରିଶ୍ରମ
ପରିଶ୍ରମ
ମନର ସପନ, ମନେରହି ଯାଏ
ଟିକେ ପରିଶ୍ରମ ପାଇଁ:
ଦିନରାତି ଯେବେ ହୋଇଯାଏ ଏକ
ସିଦ୍ଧି ମିଳେ ତୋଷ ହୋଇ::
ସୁଫଳ ମିଳିଲେ ପରୀକ୍ଷା ଘଡିରୁ
ଖୁଶି ହୁଅନ୍ତି ପିତା ମାତା:
ଛାତିକୁ ଫୁଲାଇ ମୁଣ୍ଡକୁ ଉଠାଇ
କହିଯାନ୍ତି କେତେ କଥା::
ପରିଶ୍ରମ ତାଙ୍କ ବୃଥା ଯାଏନାହିଁ
ପୁଅ ଝିଅ କୃତକାର୍ଯ୍ୟ:
ଖୁସିରେ ହୁଅନ୍ତି, ବାଇଆ ପାଗଳା
ରୁହେନି ବଖାଣି ଧର୍ଯ୍ୟ::
ଦୁଃଖ ଅଟେ ଆମ ହୃଦୟ ସ୍ପନ୍ଦନ
ସୁଖ ଅଟେ ବନ୍ୟା ଜଳ:
ଦୁଃଖ ଆସିଥିଲେ ସୁଖ ଚାଲିଆସେ
ଦିଏ ପରିଶ୍ରମ ଫଳ::
ଫଳର ଆଶାରେ କରନାହିଁ କିଛି
ବିଶ୍ୱାସ ରଖ ଈଶ୍ୱରେ:
ଯାହା କିଛି ହେବ ଇଛାରେ ତାଙ୍କର
ଲୟ ଥିଲେ ଶ୍ରୀପୟରେ::
ମହେଶ୍ୱର ସାହୁ
ଗୋପୀବିନ୍ଧା, ବ୍ରାହ୍ମଣ ଗାଁ,
ବାଲେଶ୍ଵର(ଭଦ୍ରକ)