ପରିମାଣ ଠାରୁ ଗୁଣ ମହତ୍ତ୍ୱ

ଉଜ୍ଜ୍ୱଳତା ଅଛି ମହତ୍ତ୍ୱ ବି ଅଛି

ସବୁ ରୂପା ଜିନିଷର

ସେହି ଦ୍ରବ୍ୟ ମଧ୍ୟେ ସୁବର୍ଣ୍ଣ ଦ୍ରବ୍ୟଟେ

ମନ ଜିଣେ ସଭିଙ୍କର ।

ଲକ୍ଷେ ରୂପା ମଧ୍ୟେ କିଞ୍ଚିତ ସୁବର୍ଣ୍ଣ

ସଂସାରରେ ମୂଲ୍ୟବାନ

ରଙ୍ଗ,ଗୁଣ ତା'ର ନିଆରା ବୋଲି ତ

ଫିକାଲାଗେ ପରିମାଣ ।

ପରିମାଣ ଠାରୁ ଗୁଣର ମହତ୍ତ୍ୱ

ପାଇଥାଏ ପୁରସ୍କାର

ସମାଜରେ ନିଶ୍ଚେ ହେବ ପ୍ରତିଷ୍ଠିତ

ଥିଲେ ତୁମ ସୁବିଚାର ।

କାର୍ଯ୍ୟରେ ପ୍ରକାଶି ନିଜର ମହତ୍ତ୍ୱ

ପାଇବ ଯେ ସ୍ନେହପ୍ରେମ

ଜୀବନେ ସର୍ବଦା ଚେଷ୍ଟିତ ହୋଇବା

କରିବାକୁ ଭଲକାମ ।