Library
Profile
ପରୀକ୍ଷା
ପରୀକ୍ଷା
କିଏ କହେ ସେ ଆସନ୍ତି ନାହିଁ
ଆସିବେ ନିଶ୍ଚେ ମୀରାଟିଏ ଗଲେ ହୋଇ
ମହମବତୀ ଜଳାଇ ରଖିବି ଆଜି ମୁହିଁ
କିଏ କହେ ସେ କିଛି ଶୁଣନ୍ତି ନାହିଁ
ଶୁଣିବେ ନିଶ୍ଚୟ ରାଧାଟିଏ ହୋଇ
ଦୀପଟିଏ ଜାଳି ବସିବି ଉଜାଗର ରହି
କିଏ କହେ ସେ ଦିଅନ୍ତି ନାହିଁ
ଦେବେ ନିଶ୍ଚେ ଦାସିଆ ବାଉରୀ ହୋଇ
ନଡ଼ିଆ ବଦଳେ ଦେବ
ି ଦୀପ ଟିଏ ଜଳାଇ
କିଏ କହେ ସେ କିଛି କହନ୍ତି ନାହିଁ
କହିବେ ନିଶ୍ଚୟ ବଂଶୀ ହାତେ ନେଇ
ସେ ସ୍ୱର ଶୁଣିବି ଆଜି ହୃଦୟ ଦେଇ
କିଏ କହେ ସେ କିଛି ଖାଆନ୍ତି ନାହିଁ
ଖାଇବେ ନିଶ୍ଚେ ଭକ୍ତି ଲଡ଼ୁ ଦେଲେ ଥୋଇ
ଦୀପ ଆଲୋକ ଶିଖା ରେ ଦେଖି ନେବି ମୁହିଁ
କିଏ କହେ ସେ କିଛି ମାଗନ୍ତି ନାହିଁ
ମାଗି ନେବେ ଭକ୍ତି ରସ ଥରେ ଦେଲେ ଗାଇ
ଚାରିଆଡେ ବଂଶୀ ସ୍ୱର ଶୁଭିବ ରହି ରହି
କିଏ କହେ ସେ କିଛି ଦିଅନ୍ତି ନାହିଁ
ସବୁ ଦେଇଛନ୍ତି ବିଶ୍ୱରେ ଅଛି ଯେତେ ଯହିଁ
ବୁଝି ଅବୁଝା ହେବା ମଣିଷ ଧର୍ମ ଅଟଇ
ଆଜି ଆଉଥରେ ଚାଲ ଆଲୋକ ଜଳାଇ
ଦେଖିବା କେମିତି କିଛି କହି ଶୁଣି କରିବେ ନାହିଁ ।
