ପ୍ରେମର ଵାଟ

ପ୍ରେମର ବାଟରେ ବାଟୋଇ ସାଜିଲି

ଗୋଲାପକୁ କରି ସାଥି,

ହୃଦୟ କାନ୍ଥରେ ଛବିଟେ ଆଙ୍କିଲି

ଗୋଲାପକୁ କରି ସ୍ମୃତି।

ମନ ଦରଜାରେ ସକାଳ ସଞ୍ଜରେ

ଦେଖୁଥିଲି ତୁମ ଛଵି,

ଆଖିରୁ ମୋ ନିଦ ଦରେଇ ଯାଇଛି

ତୁମକଥା ମନେ ଭାଵି।

ଆତତାୟୀ ପରି ରକ୍ତାକ୍ତ କରିଛ

ପ୍ରେମର ତିକ୍ଷ୍ଣ ଅସ୍ତ୍ରରେ,

ହୃଦୟକୁ ମୋର ଖଣ୍ଡଖଣ୍ଡ କରି

ଜାଳୁଛ ପ୍ରେମ ଜୂଇରେ।

ଶାନ୍ତିରେ ଶୋଇଵି ତୁମପାଇଁ ସାଥୀ

ଵିରହ ପ୍ରେମ ନିଆଁରେ,

ପ୍ରେମ ଦୁନିଆଁରୁ ଦୂରେଇ ମୁଁ ଯିବି

ସ୍ମୃତିକୁ ରଖି ସାଥିରେ ।

ଗୋଲାପ ସଦୃଶ ହୃଦୟରୁ ତୁମ

ଚିରଦିନ ଯିଵି ଚାଲି,

ଭାଵିଵନି କେଵେ ଶାନ୍ତିରେ ଵଞ୍ଚିଛି

ଗୋଲାପ ଫୁଲକୁ ଭୁଲି।।