ପର୍ବପର୍ବାଣିର ସ୍ମୃତି
ପର୍ବପର୍ବାଣିର ସ୍ମୃତି
ପର୍ବପର୍ବାଣି ର ସ୍ମୃତି
ଆମ ପରମ୍ପରା ଆମ ଗଉରବ
ଆମ ସଂସ୍କୃତି ଓ ପର୍ବପର୍ବାଣି
ପାଳନ କରନ୍ତି ସଭିଏଁ ଏକାଠି
ସଙ୍ଗେ ନେଇ ବନ୍ଧୁ ଭାଇଭଉଣୀ ।।୧।।
ସମସ୍ତ ପର୍ବର ତତ୍ତ୍ବ ଭିନ୍ନ ଭିନ୍ନ
ଐକ୍ୟଭାବ ମୂଳମନ୍ତ୍ର ଏହାର
ଜାତି ବର୍ଣ୍ଣ ଧର୍ମ ନିର୍ବଶେଷେ ଏହି
ନ ଭାବିଣ ଭିନ୍ନ କିଏ କାହାର ।।୨।।
ପର୍ବପର୍ବାଣିର ସ୍ମୃତି ତ ନିଆରା
ସବୁ ମନେ ରହେ ଭୁଲି ହୁଏନା
ଦୋଳିଖେଳ,ଆଉ ସାଙ୍ଗ ସାଥି ମେଳ
ଗୁରୁବାର ପିଠା ଖିଆ କହନା ! ।।୩।।
ବୁଧବାର ରାତି ପିଠା ଛଣା ହୁଏ
ଚଖା ପର୍ବ ଚାଲେ ଅଧରାତିରୁ
ଅମୁଣିଆ କାଢି ଆମକୁ ଦିଅନ୍ତି
ତାହା ଏବେ ସ୍ମୃତି ପିଲାଦିନରୁ ।।୪।।
ପିଠା ପଣା ଆଉ ଭଲଲାଗେ ନାହିଁ
ପିଜା,ବର୍ଗର,ଚାର୍ଟ ଓ ପେଟିସ୍
ପାଶ୍ଚାତ୍ୟ ସଭ୍ୟତା ଆପଣେଇ ନେଇ
ଶାଢୀ ଛାଡି ପିନ୍ଧୁ ଟପ୍,ଜିନସ୍ ।।୫।।