ପ୍ରଭୁ ହେ

ପ୍ରଭୁ ହେ

ତୁମକୁ ସବୁ ତ ଜଣା

ଏ ଭବ ହାଟରେ ସରୁନି ପଥ ରେ

ସରୁନି ବି ବିକା କିଣା।

ତୁମରି ହାତରେ ମୁଁ ଏକ ଖେଳଣା

ନାଚୁଛି ତୁମରି ଆଦେଶରେ ସିନା

ସୁଖର ଦୁଃଖର ଆଶା ଭରସାର

କିଏ ଅଛି ତୁମ ବିନା.......

ପ୍ରଭୁ ହେ ମୁଁ ତୁମରି ହାତର ଖେଳଣା

ଏ ବିଶ୍ବ ସଂସାର ନଦୀ ପାରାବାର

ସୁରୁଜ ନକ୍ଷତ୍ର ବିଶାଳ ସାଗର

ଅଣୁ ପରମାଣୁ କୋଟି କୋଟି ପ୍ରାଣୀ

ତୁମରି ସିନା ସର୍ଜନା......

ପ୍ରଭୁହେ ମୁଁ ତୁମରି ହାତର ଖେଳଣା।

ଅପଲକ ତୁମ ଚକାଆଖି ଦୁଇ

ସେ ନେତ୍ର ଏ ସାରା ଦୁନିଆ ଦେଖଇ

ହେ ପରମ ପିତା ଆହେ ସୃଷ୍ଟିକର୍ତ୍ତା

ବିନତି କର ମୋ ଘେନା....…

ପ୍ରଭୁ ହେ ମୁଁ ତୁମରି ହାତର ଖେଳଣା।