ଚାହୁଁଛି ନିର୍ବାଣ

ମୁଁ ଯେବେ କହୁଥିଲି

ଚାଲିଗଲ ସିଧା ପଛ କରି

ଏବେ ବା ଶୁଣିବ କିସ

ସେ ସମୟ ଆସିବନି ଫେରି ।

ଅବଶ୍ୟ ତା ଲିପିବଦ୍ଧ

କରି ରଖିଥିଲି ଡାଏରୀରେ

ପଢୁଥିଲି ବାରବାର

ଭିଜୁଥିଲି ଲୁଣିଆ ଲୁହରେ।

ଡାଏରୀ ପୃଷ୍ଠା ବି ଭିଜି

ଏବେ ଏବେ ସାଜିଛି ଫସିଲ୍

ମୁଁ ବି ଅଥର୍ବ ଏବେ

କେମିତି ବା ଖୋଲିବି ଦଲିଲ୍?

ଫେରେନାହିଁ ଫେରିବନି

ଯାହା କିଛି ହୋଇଛି ଅତୀତ

ଥୁଣ୍ଟା ଏଇ ଗଛେ ପିକ

ଆସିବନି ଗାଇବାକୁ ଗୀତ।

ଫେରିଯାଅ ଫେରିଯାଅ

ମୁଁ ତ ଏବେ ଚାହୁଁଛି ନିର୍ବାଣ

ନୀରସ ବିରସ ମନ

ଶୁଣିବନି ଆଉ ବଂଶୀ ସ୍ବନ।