ପୋଖରୀ ତୁଠର ଶିଉଳି

କିଛି ଭିନ୍ନ ଲେଖିବାର ପ୍ରୟାସ

ପୋଖରୀ ତୁଠର ଶିଉଳି

ଗାଁ କନିଆଙ୍କ ପାଦର ପରଶ

ପାଇଁ ହେଉଛି ସେ କାଉଳି।

ଗୋରୀ ଲଳନା ଟିଏ ଆସିବ

ତୁଠ ପଥର ଉପରେ ବସିବ

ହଳଦୀ କାଠୁଆ ପାଖରେ ରଖିକି

ଗୋରା ଦେହ ମାଖି ହୋଇବ ।

ହଳଦୀ ରଙ୍ଗକୁ ଲୋଭେଇ

ଯାଉଛି ପୋଖରୀ ତୁଠର ଶିଉଳି

ସେଥିପାଇଁ ହୁଏ କାଉଳି।

ସୁନ୍ଦରୀ ମାନଙ୍କ ସାନ୍ନିଧ୍ୟ ପାଇଁ

ମନ ହୁଏ ତା'ର ହାଇଁ ପାଇଁ

ସେଥିପାଇଁ ନିଇତି ବସିଛି ଚାହିଁ

ସୁରୁଜ ଉଇଁବ ସିନ୍ଦୁରା ଫାଟିବ

ଗଜ ଗାମିନୀଏ ଆସିବେ ଧାଇଁ।

ରସିକିଆ ପଣ ଚାପି ପାରୁନାହିଁ

ମନରେ ଭରିଛି ମହୁଲୀ

ପୋଖରୀ ତୁଠର ଶିଉଳି

ହେଉଛି ସେ ଖାଲି କାଉଳି।