ଫୁଲ
ଫୁଲ
ନାନା ଜାତି ଫୁଲ ହୁଏ ପ୍ରସ୍ଫୁଟିତ
ରଙ୍ଗର ଗନ୍ଧର ନାମେ
ପ୍ରକୃତି ରାଣୀର ସୌନ୍ଦର୍ଯ୍ୟ ମଣ୍ଡିତ
କରିଥାଏ ନାନାସ୍ଥାନେ l
ଫୁଲତ କୋମଳ ଦେହତା ନରମ
ସୁଗନ୍ଧରେ ପରିବ୍ୟାପ୍ତ
ରଙ୍ଗତ ଅନେକ ଆକାର ଅସୀମ
ପ୍ରକୃତିର ଆଚମ୍ବିତ l
ଟଗର ତରାଟ ମଲ୍ଲୀ କନିଅର
କାମିନୀ କାଞ୍ଚନ ଚମ୍ପା
ଜୁଇ ଜାଇ ହେନା ନାମରେ ଅନେକ
ଫୁଲର ସମ୍ଭାର ଧରା l
ପ୍ରଭାତ ସମୟେ ମାଳି ଆଦରରେ
ନାନା ଫୁଲ ତୋଳିଥାଏ
ଦେବଙ୍କ ମୁଣ୍ଡରେ ଶୋଭିତ କୁସୁମ
ଭକ୍ତି ଅର୍ଘ୍ୟ ଢାଳିଥାଏ l
ଭ୍ରମନ୍ତି ଭ୍ରମର ଅତି ଆନନ୍ଦରେ
ଫୁଲରୁ ଫୁଲକୁ ଛୁଇଁ
ପ୍ରଜାପତି ସବୁ ଚୁମ୍ବିତ ଫୁଲକୁ
ପ୍ରେମେ ମତୁଆଲା ହୋଇ l
ଦେଖିଲେ ଆନନ୍ଦ ଆସଇ ମନରେ
ଭୁଲିଯାଏ ସବୁଦୁଃଖ
କୁସୁମ ଅଟଇ ପ୍ରତୀକ ଶାନ୍ତିର
ଦେହେ ମନେ ଆଣେ ସୁଖ l
ନାରୀର ଗଭାରେ ଶୋଭିତ କୁସୁମ
ରୂପ ଗନ୍ଧ ମହକାଏ
ପ୍ରେମର ପ୍ରତୀକ ଅଟଇ କୁସୁମ
ତନୁ ମନ ଚମକାଏ l
ଫୁଲର ଆଦର ସମ୍ମାନ ଅଧିକ
ସହୀଦ ବେକେ ଶୋଭିତ
ଦେଶ ପାଇଁ ଯିଏ ଆପଣାଏ ମୃତ୍ୟୁ
ଫୁଲ ଦ୍ୱାରା ସମ୍ମାନୀତ l
ଅଭିନନ୍ଦନ ର ମୁଖ୍ୟ ହତିଆର
ଫୁଲତୋଡ଼ା ଫୁଲମାଳ
ରାଜା ଦରଶନେ ଉତ୍ସାହ ପ୍ରଜାର
ଦେଇ ଫୁଲ ଉପହାର l
କଦମ୍ବ ଫୁଲର ସୁବାସ ସାଥିରେ
କୃଷ୍ଣଙ୍କର ଗୋପନୀଳା
ଜାତୀୟ ଫୁଲର ମର୍ଯ୍ୟାଦା ନାମରେ
ପଦମ ଫୁଲ ରହିଲା