ଫନିର ଫେଣା

ଗ୍ରୀଷ୍ମ ରୌଦ୍ର ତାତି ଥିଲା

ପତ୍ରଝଡା ଗଛ ହୋଇଗଲା ।

ଅଂଶୁଘାତ ହୋଇ

ମରିଲେ ଅଜସ୍ର

ଉତ୍ତାପେ ଜଗତ ଭୋଳ ହେଲା ।।

ସବୁଠାରେ ଥିଲା କୋଳା ହଳ,

ପଣା, ଥଣ୍ଡା ଜଳେ ହେଲେ ଭୋଳ ।

ମାଟି କଳସୀରେ

ଶୀତଳ ପାନୀୟ

ପିଇବାକୁ ଲୋକେ କୋଳା ହଳ ।।

ପଣା ସଂକ୍ରାନ୍ତି ଚାଲିଗଲା

ତାତି ଧୀରେ ଧୀରେ ବଢ଼ୁଥିଲା ।

ଦେହ ହାତ ସବୁ

ଘିମିରି ଖସୁଆ

ହନ୍ତ ସନ୍ତ ହ୍ୱନ୍ତି ଜୀଵ ଦଳ ।।

ଅଘଟଣ ଆଜି ଶୁଣା ଗଲା

ବାତ୍ୟା ଏକ ପରା ଆସୁଥିଲା ।

ଦୂରଦର୍ଶନରେ

ଖବରକାଗଜେ

ଫୋନି ଫନି ଖାଲି ହଲ୍ଲା ଗୋଲା ।।

ଲୋକମାନେ ହେଲେ ଭୟଭୀତ

ପ୍ରଶାସନ ହେଲା ହନ୍ତ ସନ୍ତ ।

ସୁରକ୍ଷା ବ୍ୟବସ୍ଥା

ହେଲା କଢା କଢି

ଫୋନି ମୁକାବିଲା ମଜବୁତ ।।

ଲୋକେ ସୁରକ୍ଷିତ ହୋଇଗଲେ

ବନ୍ୟା ଅଞ୍ଚଳକୁ ଛାଡି ଦେଲେ ।

ସୁରକ୍ଷା କବଚ

ହେଲା ସରକାର

ଶ୍ରୀକ୍ଷେତ୍ର ଧାମରେ ବ୍ୟାପିଗଲେ ।।

ଫଣା ଟେକି ଆସେ ଫୋନି ଭାରି,

ଫଁଅ ଫଁଅ ହୁଏ ଅତ୍ୟାଚାରୀ ।

ପ୍ରବଳ ପବନ

ଭାଙ୍ଗେ ଗଛ ପତ୍ର

ହିଂସ୍ର ଉଗ୍ର ଦୁଷ୍ଟ ବ୍ୟାଭିଚାରୀ ।।

ଦୁଇ ଶହ ବେଗ ପବନରେ,

ଗ୍ରାସୁଥିଲା ଫୋନି ଓଡ଼ିଶାରେ ।

ଅତ୍ୟନ୍ତ ନୃଶଂସ

ଭାଙ୍ଗି ଉଜାଡ଼ିଲା

ଗରୀବର ବାସ ଘରେ ଘରେ ।।

ଦୁଇ ତିନି ଦିନ ଗ୍ରାସ କଲା

ବରଷା ପବନ ବୋହୁଥିଲା ।

ଗଛ ଉପୁଡ଼ିଲା

ବାସ ଭାଙ୍ଗି ଗଲା

ବିଦ୍ୟୁତ ଖୁଣ୍ଟି ବି ଭାଙ୍ଗିଦେଲା ।

ଫୋନି ରାଣୀ ତୁମେ ହେଲ କାଣି

ଧ୍ୱଂସ କରୁଅଛ ଜାଣି ଶୁଣି ।

ଆସ ନାହିଁ କଦା

ଓଡିଶା ଭୂମିକୁ

ବିଦାୟ ନିୟ ହେ ଫୋନି ରାଣୀ ।।

ତୁମ ବେଶ ଦେଖି ଲୋକେ କାବା

ମନ୍ତ୍ରୀ ପରିଷଦ କଲେ ସଭା ।

ତୁମ ମୁକାବିଲା

ବିପର୍ଯ୍ୟସ୍ତ କଲା

ଭୟରେ ଅସ୍ଥିର ବାତ୍ୟା ଶୋଭା ।।