ପଦବୀ ଭିକ୍ଷା

ପ୍ରଭୁ ତୁମ ବଡ଼ଦାଣ୍ଡେ, ଦେବ କି ଚାକିରୀ

ନିତିକରି ତୁମ ସେବା, କରିବି ଗୁହାରୀ ।

ତୁଳସୀ ମୁଁ ହେବି ପ୍ରଭୁ,ଶିରେ ହେବି ଶିରୀ,ମ

ଦୀପଟିଏ କର ପ୍ରଭୁ,ଯିବିନି ମୁଁ ସରି ।

ତୁମ ବଡ ହୃଦ ପରି,ନାହିଁ ଯେ କାହାରି,

ପ୍ରଭୁ ତୁମ ବଡ଼ଦାଣ୍ଡେ ଦେବ କି ଚାକିରୀ ।

ଭାବଗ୍ରାହୀ ତୁମେ ପରା,ନିଅ ଦୁଃଖ ହରି,

ଦୁଃଖ ମୋର ବୁଝୁନାହଁ,ଦେଲେ ଯେତେ ସ୍ମରି ।

ପ୍ରଭୁ ତୁମ ପାଦଧୂଳି କରିବ କି ସରି

ପୁଷ୍ପହାର ହୋଇ ମୁଁ ଯେ,ଗଳେ ହେବି ଶିରୀ ।

କରିବ କି ମୋତେ ପ୍ରଭୁ ବଡ଼ପଣ୍ଡା ପରି,

ନିତିକରି ତୁମ ସେବା, କରିବି ଗୁହାରୀ ।

ଶେଷ ଯାଏଁ ଥିବି ପ୍ରଭୁ, ପାଶେ ଯେ ତୁମରି,

ମଲାବେଳେ ମୋତେ ପ୍ରଭୁ,ନେବ ଯେ ଆଦରି ।