ପାଠୋଈ ବୋହୂ

ବୋହୂ ଥିଲି ଦିନେ ଗାଉଥିଲି ତୁଣ୍ଡେ

ଶାଶୁ ମୋର ଜମା ଭଲ ନୁହଁ

ଶାଶୁ ହେଲାପରେ ସବୁ ବୁଝିଗଲି

ମନର କଥାକୁ ମନେ ରଖିଦେଲି

ମିଛେମିଛେ ନିଜ ଗୁଣକୁ ଗାଇଲି

ବୋହୂକୁ କହିଲି ସବୁଠୁଁ ମୁଁ ପରା ଅତି ଭଲ

କେହି ନୁହେଁ ମୋ ସମତୁଲ

ବୋହୂକୁ ନିତି ଗରଗର ହେଲି

କିଛି ଆସୁନାହିଁ ବୋଲି ପାଟିକଲି

ତୋର ବାପଘର ଶିଖେଇନି କିଛି

ଖାଲିଟାରେ ହେଉ ଝଲମଲ

ମୋ ପରି ବୋହୂ ଖଣ୍ଡ ମଣ୍ଡଳେ ନଥିଲା

ଶାଶୁ ମୋତେ କରୁଥିଲେ ଗେଲ

କେହି ନୁହେଁ ମୋ ସମତୁଲ l

ପାଠୋଈ ବୋହୂଟି ହସିହସି କହେ

ତୁମଠାରୁ ଭଲ କେହି ନାହିଁ

ବାପଘରେ ଗେଲ ବସରେ ବଢିଛି

ରନ୍ଧାବଢ଼ା ମୋତେ ଜଣାନାହିଁ

ରୋଷେଇ ଜୀବନେ କେବେ ମୁଁ କରିନି

ଛ ତିଅଣ ନଭଜା ଆସୁନାହିଁ

ସକାଳେ ଡେରିରେ ଉଠୁଥିଲି ବୋଲି

ନିଦ ଜମା ମୋର ଭାଙ୍ଗୁନାହିଁ

ବୋହୂ ଆସିଗଲେ ଭଲ ଶାଶୁ ହେବି

ମୋପାଖରେ ଜମା ସମୟ ନାହିଁ

ଅଫିସରୁ ଆସି ଥକିଯାଏ ମୁଁ

କାମ ମୋତେ ଜମା ଆସୁନାହିଁ

ତୁମେ ସବୁକାମ କରି ଦେଉଥିବ

ତୁମ ପରି ଶାଶୁ ଖଣ୍ଡମଣ୍ଡଳେ ନାହିଁ

ତୁମ ସମତୁଲ କେହିନାହିଁ l

ସୁକାନ୍ତି ହୋତା ତାଳଚେର 7008819476